डा. भट्टराईलाई सुझावको चाङ

कान्तिपुर संवाददाता

काठमाडौँ — अमेरिकाको वाशिंगटन डीसी क्षेत्रमा बसोबास गर्ने गैरआवासीय नेपालीहरुले पूर्व प्रधानमन्त्री डा. बाबुराम भट्टराई नेपालसंग अन्तर्क्रिया गरेका छन् ।

'भिजन फर अ डेभलप्ड नेपाल बाई २०४०' दिइएको उक्त कार्यक्रममा त्यस क्षेत्रका नेपाली मूलका बौद्धिकहरुको जमघट थियो । भट्टराईले कार्यक्रममा सन् २०२२ सम्ममा नेपाललाई बिकाशशिल मुलुक, २०३० सम्ममा मध्यम स्तरको आय भएको मुलुक र २०४० सम्ममा बिकसित मुलुक बनाउने आफ्नो कार्ययोजना रहेको बताएका थिए ।

Yamaha


कार्यक्रममा अमेरिकामा टनेल इञ्जिनियरका रुपमा चर्चा कमाएका डा. सन्दीप प्याकुरेलले काठमाडौं–हेटौडा सुरुङ्गमार्गलगायत नेपालका पहाडहरुमा सुरुङ मार्ग निर्माण गरे विकासमा अघि बढ्न सकिने बताएका थिए ।

त्यसैगरी डीसीको पोटोम्याक नदीको फोहोर पानीलाई प्रशोधन गर्ने कार्यमा संलग्न डा. बिपिन पाठक र डा. पुस्कर रेग्मीले काठमाडौँको बागमती र विष्णुमती खोलाको पानीलाईपिउन योग्यन बनाउन सकिने धारणा राखेका थिए ।

कार्यक्रममा बिश्व बैंकको मुख्यालयमा कार्यरत अर्थशास्त्री डा. गोबिन्द तिमिल्सिनाले सन् २०४० सम्ममा नेपाललाई बिकसित मुलुक बनाउनको लागि गर्नुपर्ने कामहरुका बारेमा प्रस्तुती दिएका थिए । कार्यक्रममा प्राध्यापक डा. गोपी उप्रेती, ई. ठाकुर ढकाल, ई. डिल्ली न्यौपाने र ई. मंगल महर्जनले पनि आआफ्नो विषयमा सुझावहरु दिएका थिए ।

कार्यक्रम अमेरिकन सोसाईटी अफ् नेप्लीज ईञ्जिनियर्स वाशिंगटन डीसी मेट्रोका अध्यक्ष उत्तम सेढाई र अमेरिका नेपाल सोसाईटीका पूर्व अध्यक्ष खेम भट्टचनको संयोजकत्वमा भएको थियो ।

कार्यक्रममा अमेरिकाका लागि नेपाली राजदुत डा. अर्जुन कुमार कार्कीले पुर्व प्रधानमन्त्री भट्टराईलाई कार्यक्रमका आयोजकलाई धन्यवाद दिएका थिए ।

प्रकाशित : आश्विन २६, २०७५ १६:५७
ADVERTISEMENT
प्रतिक्रिया
पठाउनुहोस्

ए डिभिजन लिगका आज दुई खेलः शनिबारदेखि स्थगन

कान्तिपुर संवाददाता

काठमाडौँ — शहीद स्मारक ‘ए’ डिभिजन लिग फुटबल प्रतियोगिताअन्तर्गत शुक्रबार दुई वटा खेल हुँदैछन् । 

सातदोबाटोस्थित एन्फा कम्प्लेक्स बुधबार पल्सर सहिद स्मारक ए डिभिजन लिगमा प्रतिस्पर्धा गर्दै मछिन्द्र (सेतो) र च्यासल क्लबका खेलाडीहरू । खेल गोलरहित बराबरीमा टुंगिएको थियो । तस्बिर : हेमन्त श्रेष्ठ/कान्तिपुर

एन्फा कम्प्लेक्स सातदोबाटोमा शुक्रबार पहिलो खेलमा हिमालयन शेर्पा क्लब र विभागीय टोली एपिएफ क्लबबीच प्रतिस्पर्धा हुनेछ । त्यस्तै दोस्रो खेलमा ब्रिगेड ब्वाइज र सिग्नेचर मनाङ मस्र्याङ्दी क्लबबीच खेल हुनेछ । यही असोज १३ गतेदेखि औपचारिकरुपमा शुरु भएर बङ्गबन्धु गोल्डकप अवधिका लागि रोकिएको शहीद स्मारक ‘ए’ डिभिजन लिग फुटबल बुधबारदेखि पुनः शुरु भएको थियो ।

लिग फुटबलअन्तर्ग शुक्रबार पहिलो चरणका खेल सकिँदैछ । पहिलो चरणको खेल सकिएसँगै लिग एक महिनाका लागि स्थगित हुने अखिल नेपाल फुटबल सङ्घ (एन्फा)ले जनाएको छ । दोस्रो चरणका खेलहरु अब छठपछि सञ्चालन गर्ने एन्फाले तयारी गरेको छ । “पहिलो चरणका खेलहरु आज सकिएलगत्तै २७ गतेदेखि लिग स्थगित हुन्छ, दशैं, तिहार, छठ लगायत महत्वपूर्ण चाडबाड सकिएपछि मङ्सिर पहिलोसातादेखि लिगका दोस्रो चरणका खेलहरू शुरु हुन्छ”– लिग निर्देशक सञ्जिव मिश्रले भने ।

लिगका खेलहरू तेह्र चरणसम्म खेलाइनेछ । राउण्ड रोविन लिगको आधारमा हुने प्रतियोगितामा कुल ९१ खेल हुनेछन् । लिगको विजेताले रु ५० लाख, उपविजेताले ३५ लाख, तेस्रोले २५ लाख पाउनेछन् ।

लिगको चौथो टोलीले रु १५ लाख, पाँचौ टोलीले रु सात लाख र छैटौंले रु पाँच लाख पाउनेछन् । फेयर प्ले टिमले एक लाख पाउने छन् । प्रत्येक खेल जिते बापत एन्फाले क्लबलाई ५० हजार तथा म्यान अफ दि म्याच खेलाडीलाई १० हजार दिने छन् । लिग विजेता टोलीले एएफसी एसियन कप फुटबलमा सहभागिता जनाउन पाउने लिग निर्देशक मिश्रले जानकारी दिनुभयो ।

‘ए’ डिभिजन लिग चार वर्षपछि हुन् लागेको हो । पछिल्लो पटक विस २०७१ सालमा ‘ए’ डिभिजन लिग भएको थियो । लिगमा ए डिभिजनका १४ क्लब थ्री स्टार, मनाङ मस्र्याङ्दी, नेपाल पुलिस, एपिएफ, त्रिभुवन आर्मी, जावलाखेल युथ क्लब, फ्रेन्ड्स क्लब, सङ्कटा, मछिन्द्र क्लब, सरस्वती युथ क्लब, च्यासल युथ क्लब, न्युरोड टिम (एनआरटी), ब्रिगेड ब्वाइज र हिमालयन शेर्पा क्लबले सहभागिता जनाएका छन् ।

प्रकाशित : आश्विन २६, २०७५ १३:५०
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT