गोस्वामीको कोशिष–२ एल्बम सार्वजनिक

कान्तिपुर संवाददाता

अष्ट्रेलिया — अष्ट्रेलिामा रहेर सांगितिक सृजना गर्दै आएका युवा गायक राजकुमार गोश्वामीले एकल सांगितिक एल्बम कोशिष–२ सार्वजनिक गरेका छन् । 

६ वर्षदेखि प्रवासमा रहेर नेपाली गीतसंगीत सृजना गर्दै आएका उनले सिड्नीमा उक्त एल्बमको बिमोचन गरेका छन् । डा. नारायण प्रधानले बिमोचन गरेको उक्त एल्बममा १० वटा लोक, पप, आधुनिक गीतहरु समेटिएको छ ।

Yamaha


उनलाई एल्बमको दुई गीतमा गायिकाहरु मेलिना राई र आस्था राउतले साथ दिएका छन् भने धर्मेन्द्र सेवान, अष्ट्रेलियाका संगीतकार किरण भण्डारीका साथै दिल तामाङ, समी श्रेष्ठ लगायतको संगीत रहेको छ ।

अष्ट्रेलियामा गायक गायिकाहरुद्वारा एउटा मात्र गीत निकाल्ने प्रचलन बढिरहेको सन्दर्भमा गोस्वामीले भने पूर्ण एल्बम सार्वजनिक गरेका हुन् ।

करिब ५ वर्षअघि निकालिएको कोशिष एल्बमको निरन्तरताकै रुपमा यो एल्बम सार्वजनिक गरिएको गोस्वामीले बताए ।

प्रकाशित : कार्तिक १७, २०७५ ११:०९
प्रतिक्रिया
पठाउनुहोस्
ADVERTISEMENT

कृत्रिम चन्द्रमा बनाउँदै चीन

एजेन्सी

काठमाडौँ — चिनियाँ बैज्ञानिकहरुले सन् २०२० सम्ममा कृत्रिम चन्द्रमा निर्माण गरेर सहर झिलिमिली पार्ने महत्वकांक्षी योजना अघि सारेका छन् ।

चीनको सिचुवान प्रान्तको राजधानी छेङ्दु सहरमा वैज्ञानिकहरुले कृत्रिम चन्द्रमा राख्ने तयारी गरिरहेको चाइना डेलीले जनाएको छ।

सूर्यबाट आएको प्रकाशका किरणहरु उक्त चन्द्रमाले ऐना जस्तै प्रतिविम्बित गर्ने वैज्ञानिकहरुले जनाएका छन्। चन्द्रमालाई सहरका सडकबत्तीको विकल्पको रुपमा अगाडि सारिएको छ।

वैज्ञानिकहरुले उक्त चन्द्रमा वास्तविक चन्द्रमा भन्दा ८ गुणा चम्किलाे हुने अनुमान गरेका छन्।

याेचन्द्रमाले नजिकबाटै पृथ्वीको परिक्रमा गर्नेछ। यसले पृथ्वीभन्दा ५ सय किलोमिटर टाढाबाट आफ्नो अक्षमा रहेर पृथ्वीलाई परिक्रम गर्नेछ। वास्तविक चन्द्रमाले तीन लााख ८० हजार किलोमिटर टाढाबाट पृथ्वीको परिक्रममा गर्छ।

टाइन फू न्यू एरिया साइन्स सोसाइटीका प्रमुख वू चेनफूङले चाइना डेलीलाई बताएअनुसार उक्त महत्वकांक्षी योजनाले आकाशको पुरै भागलाई भने उज्याले बनाउने छैन। उक्त चन्द्रमाले दिने प्रकाश सडकबत्ती केही मधुरो हुने वूको भनाइ छ।

छेङ्दू सहरलेसडक बत्तीमा वार्षिक १७ करोड ३० लाख डलर खर्च गर्दै आएको छ। कृत्रिम चन्द्रमाले सडक बत्तीमा हुँदै अाएकाे खर्च बचत हुने बताइएको छ। चन्द्रमाले प्राकृतिक विपत्ति र विद्युतकाे विकल्पमा काम गर्नेछ। परियोजना सफल भएमा अन्य तीन ठाउँमा कृत्रिम चन्द्रमा राखिने वूले बताए।

‘परियोजना सफल देखाउनका लागि धेरै परीक्षणहरु गर्न बाँकी नै छन्,’ वूले दाबी गर्दै भने, ‘प्रकृतिक वातवरणमा यसले खासै असर गर्दैन्। ’

कृत्रिम वस्तु अन्तरिक्षमा राखेर रातको समयमा पृथ्वीमा उज्यालो बनाउने यो पहिलो प्रयास भने होइन। न्यूयोर्क टाइम्सकाअनुसार सन् ९० को दशकमा रुसले पृथ्वीको परिक्रमा गर्दै सूर्यको प्रकाश प्रतिविम्बित गर्ने एउटा अर्बाइटल ऐना अन्तरिक्षमा पठाएको थियो। उक्त एेना सन् १९९९ मा जलेपछि परियोजनाविफल भएको थियो।

वैज्ञानिकहरुले प्रकाश प्रतिविम्बित गर्ने बस्तुहरुलाई अन्तरिक्षमा पठाइदा प्रकाश प्रदूषणकाे खतरा बढ्ने दाबी गर्दै आएका छन्।

प्रकाशित : कार्तिक १७, २०७५ १०:५९
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT