भुजेल संस्कृतिमा फिल्म
लेखनाथ — आदिवासी जनजातिमा सूचीकृत भुजेल समुदायको संस्कृति फिल्ममा समेटिने भएको छ । भुजेल समाज सेवा समितिको सक्रियतामा ‘नि–प्हुँगाल’ (हामी भुजेल) बन्ने भएको हो ।
भुजेल र नेपाली भाषामा बन्ने फिल्मको निर्देशन कृष्णकुमार गुरुङले गर्नेछन् । पोखराका उद्यमी कमलबहादुर भुजेल निर्माता हुन् । फिल्ममा भीम भुजेल, पूजा भुजेल, मीना भुजेल, रेशम भुजेल लगायतको मुख्य भूमिका रहनेछ ।
फिल्म सामाजिक परिधिभन्दा बाहिर नजाओस् भन्नका लागि भुजेल संस्कृतिविद् एवं भाषाविद्को सहयोग लिइने निर्देशक गुरुङले उनले बताए ।
कथा कमल भुजेलले लेखेका हुन् । संगीत विमल जीसी भुजेल, कमल भुजेल र पृथ्वी भुजेलको छ ।
प्रकाशित : फाल्गुन ७, २०७४ ०८:३६प्रतिक्रिया
