‘शाकाहारी हुनु राम्रो’
काठमाडौँ — शाकाहारी बन्ने बलिउड सेलिब्रिटीको पंक्तिमा अनुष्का शर्मा पनि पर्छिन् । उनले आफू शाकाहारी बन्नुको उद्देश्य नै जनावरप्रति हुने दानवीय व्यवहारलाई बदल्नु रहेको बताउँदै आएकी छन् ।
बलिउडकर्मीहरू लारा दत्त, सोनु सुद, शाहिद कपुर, ईशा गुप्ता, माधवन लगायतले लिएकै बाटो समाएकी अनुष्काले मांसाहार त्याग्ने निश्चय आफ्नो अहिलेसम्मकै उत्कृष्ट निर्णय भएको बताएकी छन् ।
‘मैले अहिलेसम्म लिएका निर्णयमा यो सबैभन्दा उत्कृष्ट हो,’ अनुष्काले शाकाहार रोजाइप्रति गर्व गर्दै ट्वीटेकी छन्, ‘मैले आफूवरपरको संसारको संरक्षण गर्न सकेँ भने नै म अघि बढ्न सक्छु र मेरो अस्तित्व रहन्छ । र, मैले थोरै नै भए पनि यो कदममार्फत् केही परिवर्तन गर्न खोजेकी छु ।’ कुनै जनावरको पीडा नमिसिएको खानपानले आफूलाई ऊर्जावान् र स्वस्थ अनुभव गराउने गरेको
उनले बताएकी छन् ।
अनुष्का साढे तीन वर्षअघि शाकाहारी भएकी हुन् ।
