पारसको स्वरमा राष्ट्रकविको गीत

कान्तिपुर संवाददाता

काठमाडौँ — पारस नेपालले गाएको ‘कस्तो हुन्थ्यो कस्तो हुन्थ्यो...’ गीतको म्युजिक भिडियो युटयुबमा सार्वजनिक भएको छ ।

राष्ट्रकवि माधवप्रसाद घिमिरेले लेखेको र जुगल डंगोलले संगीतबद्ध गरेको उक्त गीत पारसको पछिल्लो एल्बम ‘धरोहर’ मा समेटिएको छ। डब्बु क्षत्रीले निर्देशन गरेको म्युजिक भिडियोमा वरिष्ठ रंगकर्मी वीरेन्द्र हमाल, राहुल श्रेष्ठ र सबिना कार्कीले अभिनय गरेका छन्।

Yamaha

पारसले गाएका पाँच गीत समेटिएको ‘धरोहर’ राजधानीमा यसै साता विमोचन भएको थियो। उक्त एल्बममा ‘गर्मी भयो रे भन्छन्,’ ‘दायाँबायाँ बेथिति छ,’ ‘सबै भन्छन् तिमीलाई’ र ‘तिमीले टेक्ने माटो उही’ लगायत गरी राष्ट्रिय भावनाका पाँच गीत छन्। क्षेत्रप्रताप अधिकारी, अमन मास्के, दिनेश अधिकारी र फूलमान वलले लेखेका यी गीत पनि जुगलले नै एरेन्ज र संगीतबद्ध गरेका हुन्।

कान्तिपुर दैनिकमा कार्यरत पारस यसअघि पनि राष्ट्रिय भावकै गीतसहित श्रोतामाझ आएका थिए। ‘नालापानी कालापानी’ बोलको उक्त सिंगल ट्रयाकमा पारसकै शब्द र जुगलकै संगीत सुन्न सकिन्छ।

प्रकाशित : श्रावण २१, २०७५ १६:११
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

बलात्कार आरोपीद्धारा आत्महत्याको प्रयास

हरि गौतम

रुकुम पश्चिम — बलात्कारको अभियोगमा पक्राउ परेका एक किशोरले आत्महत्याको प्रयास गरेका छन् ।

जिल्ला प्रहरी कार्यालयको हिरासतमा रहेका दीपक बुढाथोकीले हिरासत भित्रको शौचालयमा आत्महत्याको प्रयास गरेको प्रहरीले जनाएको छ।

आठबीसकोट नगरपालिका–९ घर भएका बुढाथोकी जबरजस्ती करणी गरेको अभियोगमा पक्राउ परेका थिए। श्रावण १७ गते राती आफूलाई बलात्कार गरेको भन्दै एक २० वर्षीया युवतीले उजुरी दिएकी थिइन्।

उजुरीको आधारमा १८ गते पक्राउ परेका बुढाथोकीले २० गते बेलुकी आफैले लगाएको कमिजले धारामा झुण्डिएर आत्महत्याको प्रयास गरेको जिल्ला प्रहरी प्रमुख प्रहरी नायव उपरीक्षक सुमित खड्काले जानकारी दिए।

अदालतबाट एक हप्ताको म्याद थप गरी ल्याएको केही बेरमा शौचालय पसेका बुढाथोकी ननिस्किएपछि सुरक्षागार्डले आत्महत्याको प्रयास गरिरहेका बेला उद्दार गरेको डीएसपी खड्काले बताए।

‘शौचालयभित्रको सानो धारामो तन्किएर आत्महत्याको प्रयास गरेको रैछ, प्रहरीले थाहा पाएपछि प्रहरी र अन्य थुनुवाको सहयोगमा उसको उद्दार भयो,’ डीएसपी खड्काले भने।

बुढाथोकीको हाल नेपालगन्जस्थित कोहलपुर अस्पतालमा उपचार भइरहेको छ। बुढाथोकीलाई तत्कालै जिल्ला अस्पताल सल्लेमा लिएर उपचार गरिएको थियो। थप उपचारको लागि जिल्ला बाहिर लैजानुपर्ने भनिएपछि नेपालगन्ज लगिएको प्रहरीले बताएको छ।

बुढाथोकीका आफन्तले भने प्रहरीको यातना दिएको दाबी गरेका छन्। डीएसपी खड्काले बुढाथोकीलाई हिरासतमा कुनै यातना नदिएको दाबी गरे।

‘ऊसँगै पक्राउ परेको अर्को पनि छ, प्रहरीले यातना दिएको भए दुवैलाई दिन्थ्यो होला,’ डीएसपी खड्काले भने, ‘पक्राउ परिसकेको मान्छेलाई यातना दिनुहुँदैन भन्ने कुरा प्रहरीले राम्ररी बुझेको छ।’

ती महिलालाई बलात्कार गरेको अभियोगमा सोही ठाउँका १७ वर्षीय भीमबहादुर बटाला पनि पक्राउ परेका छन्।

गत १७ गते राती साढे दश बजेको समयमा उनीहरुले आफूलाई जबरजस्ती गरेको ती युवतीले इलाका प्रहरी कार्यालय आठबीसकोट र जिल्ला प्रहरी कार्यालयमा उजूरी दिएकी थिइन्।

प्रकाशित : श्रावण २१, २०७५ १५:३९
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT