मोहनलाई झरनाको साथ
काठमाडौँ — गायक मोहन राईले दोस्रो गीति एल्बम ‘मायाको खेल’मा रहेको ‘सम्झनाको शीत...’ लाई म्युजिक भिडियो सहित सार्वजनिक गरेका छन् ।
मनु लोहोरुङ राईको शब्द र शिखर सन्तोषको संगीत रहेको गीतको भिडियो नेपाल म्युजिक क्रिएसनले युट्युबमार्फत सार्वजनिक गरेको हो । वीरेन्द्र भाटको निर्देशन रहेको म्युजिक भिडियोमा अभिनेत्री झरना थापा र शशी शर्माले अभिनय गरेका छन् ।
प्रेम र धाकाधडीमा आधारित गीत नयाँ पुस्तामा समर्पित रहेको गायक राईले बताए । उनको ‘मायाको खेल’ एल्बममा भने आठवटा गीत छन् । व्याकुल माइला, प्रदीप ज्ञवाली, दीपेन्द्रनाथ शर्मा, दिनेश थपलिया, राजा घले र मुकेश राईले लेखेका गीतमा कन्काइस्ट राई, दिनेश सुब्बा, राजनराज शिवाकोटी र कृष्णभक्त राईले संगीत दिएका छन् ।
गायिका अञ्जु पन्तले एउटा गीतमा साथ दिएको उनले सुनाए ।