नाचे नेपाल र बस्नेत

कान्तिपुर संवाददाता

भक्तपुर — 'कुटुमा कुटु...।' कति मीठो शब्दका गीत आजकाल । पूर्वप्रधानमन्त्री एवं नेकपाका वरिष्ठ नेता माधवकुमार नेपाल भाषणका क्रममा राजनराज शिवाकोटीका गीतको यसरी प्रशंसा गर्दै थिए । उद्‌घोषिका एवं पूर्व मिस नेपाल सुगारिका केसीले लगत्तै शिवाकोटीलाई मञ्चमा उभ्याइन् ।

शिवाकोटी गाउन थाले आफ्नो चर्चामा आएको पहिलो गीत, सुर्के थैली खै ! त्यसैमा नाचे नेपाल र युवा नेता महेश बस्नेत।

Yamaha

सूर्यनगर टोल, सृजनानगरमा बुधबार बिहान रमाइलो सांगीतिक वातावरणमा शुभकामना आदानप्रदान भयो। दसैं, तिहार र छठ पर्वको सन्दर्भमा टोलले गरेको कार्यक्रममा पूर्वप्रधानमन्त्री नेपाल प्रमुख वक्ता थिए। नेता नेपाल, बस्नेतसँगै सहभागी शिक्षक, कर्मचारी, विद्यार्थी, सञ्चारकर्मीसहित उक्त गीतमा नाचेका थिए।
नेता नेपालले राजनीतिक भाषण कमै गरी विकास निर्माणको कुरा गरेका थिए। भाषा, साहित्य, कला, संस्कृतिले नै नेपाल र नेपालीलाई चिनाउने भन्दै नेपालले भने, 'नयाँ संविधान आएपछि अब उज्यालो युग सुरु भएको छ। हामीले जसरी नि विकासमा फड्को मार्नु छ।'

विशिष्ट अतिथिका रुपमा बोल्दै पूर्वमन्त्री एवं भक्तपुरका सांसद महेश बस्नेतले भक्तपुरमा सबैतिरका जनता मिलिजुली बस्न सक्ने भन्दै सबैलाई स्वागत गर्ने बताए। भक्तपुरमा ४ वटा स्मार्ट सिटी बनिरहेका, सूर्यविनायकमा अन्तर्राष्ट्रिय रंगशाला बन्न लागेको जानकारी दिएका थिए। रंगशाला बन्न, ३ नम्बर प्रदेशको राजधानी हुन नदिन लाग्ने राजनीतिक दलको बस्नेतले विरोधसमेत गरे।

सूर्यविनायक नगरपालिकाका मेयर वासुदेव थापा, उपमेयर जुना बस्नेत, प्रेस काउन्सिलका सदस्य गोविन्दप्रसाद चौंलागाई र आयोजक संस्थाका अध्यक्ष बालकृष्ण न्यौपाने सहितले शुभकामना राखेका थिए।

त्यसक्रममा प्रमुख अतिथि नेपालले कलाकार राजनराज शिवाकोटी र डिआइजी शैलेश थापा क्षेत्रीलाई सम्मान समेत गरे।

प्रकाशित : कार्तिक २१, २०७५ १६:४८
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

अछाममा ५७ वर्षीया महिला बलात्कृत 

मेनुका ढुंगाना

अछाम — यहाँ ५७ वर्षीया बोल्न नसक्ने महिला बलात्कृत भएकी छन् । जिल्लाको चौरपाटी गाउँपालिका ६ मा बस्ने ती महिलालाई सोही ठाउँमा बस्ने ३१ वर्षीय नाउटे आउजीले बलात्कार गरेको अछाम प्रहरीले जनाएको छ ।

कार्तिक १५ गते राति ११ बजे आफ्नो घरमा सुतिरहेकी पीडित महिलालाई मदिरा सेवन गरी कुटपिट गर्नुका साथै बलात्कार गरेको भन्दै परिवारले कार्तिक १६ गते प्रहरीमा उजुरी दिएको थियो । उजुरीका आधारमा आउजीलाई पक्राउ गरिएको अछामका प्रहरी प्रमुख जनकबहादुर शाहीले जानकारी दिए ।

आउजीले कार्तिक २० गते सरकारी वकिल कार्यालयमा आरोप स्वीकार्दै स्थानीय १९ वर्षीय बुद्धि आउजीसमेत संलग्न रहेको बयान दिएका छन् । आरोपित बुद्धिलाई समेत पक्राउ गरिसकेको प्रहरीले जनाएको छ ।

प्रकाशित : कार्तिक २१, २०७५ १६:३२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT