नारायण गोपालको स्मृति दिवस मनाइयो

रासस

काठमाडौँ — स्वरसम्राट नारायणगोपालको सम्झनामा बुधबार यहाँ २८औँ स्मृति दिवस मनाइएको छ । नारायण गोपाल सङ्गीत कोषको आयोजनामा उक्त दिवसमा स्मृतिसभा गरेको छ । आजकै दिनमा विसं २०४७ मा उनले यस धर्तीबाट बिदा लिएर गएका थिए । 



Yamaha

स्वरसम्राट नारायण गोपालको घरको प्राङ्गणमा भएको सभामा पुराना गायकलगायत नयाँ पुस्ताका युवाको बाक्लो उपस्थिति रहेको थियो। रचनाकार तथा कलाकार नीर शाहले नारायण गोपाल साङ्गीतिकरुपमा निकै सङ्घर्षशील रहेको चर्चा गरे। शाहले नेपाल नजानिँदो रुपमा खेलकूद र सङ्गीतमा अगाडि बढिरहेको बताउँदै खेलकूदमा अनुशासन र सङ्गीतमा गहन अध्ययन आवश्यक रहेको औँल्याए।

उक्त अवसरमा स्मृति कोषले नारायण गोपालसँगै रहेर काम गर्ने गीतकार दिनेश अधिकारी, गीतकार डा दीर्घसिंह बम, कलाकार तथा गीतकार नीर शाह, गीतकार राजेन्द्र रिजाल, सङ्गीतकार विश्वम्भर प्याकुरेल र कर्म योञ्जनलाई नगर रु २५ हजारसहित सम्मानसमेत गरेको थियो।

सभामा सङ्गीतकार भूपेन्द्र राजमाझी, रचनाकार प्रकाश रायमाझी, गीतकार उन्नति शिला बोरा, सङ्गीतकार न्ह्यु बज्राचार्यलगायतको सहभागिता थियो।

प्रकाशित : मंसिर १९, २०७५ १९:०२
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

निर्मलालाई न्याय माग्दै विद्यार्थीको प्रदर्शन [भिडियो]

कान्तिपुर संवाददाता

काठमाडौँ — बलात्कारपछि हत्या गरिएकी कञ्चनपुरकी १३ वर्षीया बालिका निर्मला पन्तलाई न्याय माग्दै विद्यार्थीहरु आन्दोलित भएका छन् । बुधबार पुल्चोक इन्जिनियरिङ क्याम्पसका विद्यार्थीहरुले 'वी वान्ट जस्टिस' भन्दै माइतीघर मण्डलामा प्रदर्शन गरेका छन् । प्लेकार्डसहित प्रदर्शनमा उत्रिएका विद्यार्थीहरुले सरकार विरुद्ध चर्को नाराबाजी गरे । 

निर्मलाले न्याय नपाएसम्म आफूहरु आन्दोलित हुने उनीहरुले बताएका छन्।विद्यार्थीहरुले सरकार गम्भीर नभए कडा आन्दोलनको चेतावनी समेत दिएका छन्।कार्यक्रमस्थलमा विद्यार्थीहरुले कान थुनेर,अनुहारमा कालोपट्टि बाँधेर सरकारको विरोध गरेका थिए

प्रकाशित : मंसिर १९, २०७५ १८:५५
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्