रोचक तथ्य: फ्रान्सको शक्ति
काठमाडौँ — फ्रान्स तेस्रोपल्ट विश्वकपको फाइनल पुगेको हो । यसअघि टोलीले यस्तो सफलता सन् १९९८ र २००६ मा पाएको थियो । युरोपबाट फ्रान्सभन्दा बढी विश्वकप फाइनल पुग्नेमा जर्मनी र इटालीमात्र छन् ।
जर्मनी ८ र इटाली ६ पटक फाइनल पुगिसकेका छन् । १९९८ देखि भने फ्रान्स सबैभन्दा बढी विश्वकप फाइनलमा पुग्ने राष्ट्र हो ।
फ्रान्सले मंगलबार सेन्ट पिटर्सबर्गमा पाएको सफलता यस्तो थियो कि बेल्जियमको हकमा त्यो २०१६ को सेप्टेम्बरमा स्पेनसँग हारेपछिको पहिलो थियो । फ्रान्सले विश्वकपमा बेल्जियमलाई तीनपल्ट पराजित गरिसकेको छ । यस्तो नतिजा फ्रान्सले अरु राष्ट्रसँग निकाल्न सकेको छैन ।
प्रकाशित : असार २८, २०७५ ०८:०६प्रतिक्रिया