लेख्ने बेला तपाईको हात काम्छ भने यी कुराहरुमा ध्यान दिनुस्

डा. ललित कुमार मिश्र

काठमाडौँ — राईटर्स क्राम्प व्यक्तिको कार्य या व्यवसायसँग सम्बन्धित रोग हो । यसबाट प्रभावित व्यक्ति जब लेखन कार्य प्रारम्भ गर्दछ । त्यसबेला उसलाई यस्तो प्रतित हुन्छ, जस्तै बुढी औंला या औलाहरुमा शक्ति नै छैन । रोगको प्रारम्भमा हातका औलाहरुमा एक प्रकारको कडापन महशुस हुन्छ । 

उसलाई लाग्छ कि उसको हात जाम भईसकेको छ। यसको अतिरिक्त उसको हातमा कम्पन पनि हुनसक्छ। यसकारण रोगी लेख्ने बेलामा बढो मजबुतिसंग कलम या पेन्सिल समाउने चेष्टा गर्दछ। जति साबधानीले कलम समाउने या लेख्ने प्रयास गर्दछ, औंलाहरु त्यति नै बढि काम्ने हुन्छन्। क्रमश: यो कम्पन बिस्तारै –बिस्तारै हातबाट शुरु भई वा रोग पुरानो हुँदै गएपछि पुरै शरीरमा पनि कम्पन हुन सक्छ। यस कारणले गर्दा लेख्ने बेलामा कलम यताउता हल्लि रहन्छ र लेखाई पनि राम्रो हुँदैन, छिरबिरे सानो-ठुलो या बाङ्गो–टिङ्गो हुन जान्छ। कहिलेकहि औंला, हात र रिष्ट सामान्य काम न गरी असमान्य व्यबहार गर्न थाल्छन्। जस्तै, लेख्ने बेला बुढिऔंला भित्रपट्टी जान थाल्छ, रिष्ट (कलाई) बाहिर तिर जानु, औंलाहरु माथीतिर फर्किनु आदि। यो समस्याले गर्दा उसको सम्पूर्ण जीवन अस्तब्यस्त हुन जान्छ। उसको मन मस्तिष्कमा गहन बेचैनी र तनाव पैदा हुन्छ। यो बेचैनी अझै बढ्दै गएर चिकित्सक कहाँ पुग्दा पनि चिकित्सकले उसको रोग ठम्याउन सक्दैन।

Yamaha

भौतिक दृष्टिले हेर्दा उसको हातका मान्सपेशीहरुमा कुनै प्रकारको खराबी देखिंदैन। रोगी यसको लागि जति बढि चिन्तित् हुन्छ त्यति नै मानसिक तथा स्नायु सम्बन्धि अवसाद बढ्दछ। साथै हातको अन्य मांशपेशीहरु पनि तनावग्रस्त हुन्छन्। बैंकमा हस्ताक्षर गर्दा, रिस उठेको बेला, तनावको अवस्थामा कुनै कार्यलाई चाँडै गर्नुछ अथवा अपरचित व्यक्तिको सम्मुख लेख्ने कार्य लगभग असंभव हुन्छ। फलस्वरुप धेरै दिनसम्म यस्तै हालतमा रहियो भने टाउको दुख्ने, चक्कर लाग्ने, स्नायु दुर्बलता जस्ता समस्याहरु हुन सक्छन्।

बिरामीले लेख्ने कार्य बन्द गर्ने बितिक्कै उसको सबै समस्याहरु समाप्त भएर जान्छ। यस प्रकारको रोगी या त लेख्न कार्य नै बन्द गरि दिन्छन् या अर्को हातबाट लेख्ने कार्य शुरु गर्दछ अर्थात दाहिने हातले लेखन कार्य गर्ने रोगी त्यसै कार्यलाई देब्रे हातले गर्ने प्रयास गर्न थाल्छ। तर यस्तो पनि देखिएको छ कि कलान्तरमा पछि गएर त्यस हातमा पनि यहि दोष उत्पन्न हुन थाल्दछ। यस प्रकारको रोगीलाई लेख्ने कार्यको अलावा आफ्नो दाह्री बनाउदा, आफ्नो सर्टको टाँक लगाउन, कस्मेटिक सौन्दर्य प्रसाधनको प्रयोगमा तथा खाना खानमा पनि अप्ठ्यारो हुन सक्छ। यसप्रकारको तनाव या कम्पन अनुहार या शरीरको अन्य भागमा, जिब्रो वा गर्धनमा पनि हुन सक्छ। यसलाई चिकित्सिय भाषामा फोकलडिस्टोनिया या आक्युपेशनल डिसटोनिया भनिन्छ।

राईटर्स क्राम्प/कम्पन्न रोगको लक्षण : लेख्ने बेला हातमा या हातको कुनै भागमा कम्पन, कडापन, सुन्नपन, दर्द, तनाव हुनु। जसले गर्दा हस्ताक्षर गर्न असमर्थ हुनु। केहि बाक्य लेखि सकेपछि शब्दहरु बांड्गो–टेड्गो हुनु र लेखाई खराव हुनु। लेख्न कार्य को गतिमा कमि हुनु र बढि लेख्न नसक्नु। लेख्ने समयमा हात या हातको कुनै भाग भित्र–बहिर पट्टि स्वत मोडिनु। लेख्ने बेला पेन या पेन्सिललाई मजबुत किसिमले समाउनु, लेख्ने समय कलम स्वत, हातबाट झर्नु। लेखन कार्य गर्दा हात व्यक्तिको नियन्त्रमा नहुनु। यसका प्रमुख लक्षणहरु हुन्।

यसमा दिईएका लक्षणहरु मध्ये यदि कुनै पनि लक्षण तपाईमा छ भने बेलामै सावधान हुनुहोस्। यस रोगको शुरुवात भएको जस्तो छ। यो रोग कुनै पनि उमेरमा लेखन कार्य गर्ने, स्टोनो-टाईपिष्ट, प्रशासनिक कार्यमा लागेको व्यक्ति, लेखक वा लेखाका कर्मचारी, ड्राफ्ट्सम्यान, चिकित्सक (सर्जन) ईन्जिनियर, केमिष्ट,पियानो बजाउने, कार्पेन्टरको काम गर्ने व्यक्तिलाई हुन सक्छ। साधारणतया १७ देखि १८ वर्षका उमेरका व्यक्तिहरुमा शुरु हुन सक्छ। तर, रोगीलाई मेरो रोग यहि नै हो भनेर सम्झन-बुझ्न वर्षौ लाग्न सक्छ। यसो हुनुको कारण भनेको लक्षणहरुलाई रोगी अथवा उसका आफ्न्तहरु शुरुमा शारीरिक कमजोरी, रोगीको लापरवाही या मनोवैज्ञानिक समस्या हो भनेर सम्झिन्छन्।

कारण: यस सम्बन्धमा मनोबैज्ञानिकहरु एकमत देखिंदैनन्। केहिको भनाइअनुसार यो एक प्रकारको स्नायुमण्डलीय बिकार हो। केहि मनोबैज्ञानिकहरुका अनुसार यो एक प्रकार मानसिक रुप (मन) ले उत्पन्न भएको शारीरिक (तन) को रोग हो। केहि चिकित्साहरुका अनुसार मस्तिष्कमा अवस्थित 'उपांग वेसल गैंगलियान'ले ठिकसँग काम नगर्नु हो। यस उपांगको कार्य शरीरका बिभिन्न अगंहरुमा समन्वय बनाएर राख्नु हो। वेसल गैंगलियान उपांगको गडबडिको कारण यस रोगबाट प्रभाबित अगंले - मस्तिष्कले पठाएको निर्देशन अनुसार कार्य या व्यवहार गर्दैन। जसको फलस्वरुप रोगीलाई, यस रोगबाट प्रभाबित अंगमा कडापन, कम्पन आदि जस्तो समस्या हुन्छ।

यसको कारण जे जस्तो भएपनि यस रोगबाट पीडित रोगीको सम्बन्ध अचेतन वा सुसुप्त मनसँग कुनै न कुनै स्तरबाट जोडिएको हुन्छ। राईटर्स क्राम्पका प्राय जसो रोगी अतिरिक्त तनावले ग्रस्त भएका हुन्छन्।

रोगको निदान: यस रोगको निदान मुख्य रुपमा रोगीको व्यक्तित्वलाई अध्ययन गर्नुका साथै लेखाइको जाँच गरिन्छ। रोगीले दिनभरिमा कति लेख्द छ? कस्तो लेख्द छ? लेखाईको गति कस्तो छ? आदि कुराको परख गरिन्छ। यसबाहेक आवश्यकता अनुसार उसको मांपेशीहरुको बिद्युतीय गतिबिधिको जाँच (ईएमजी) र घाँटीको एक्स-रे पनि गरिन्छ। जसद्वारा यी लक्षणहरु यसै रोगको हो वा अन्य कुनै रोग को हो भन्ने कुरा स्पष्ट हुन्छ।

हीमियोप्याथिक उपचार: होमियोप्याथिक उपचारमा रोगीको मानसिक एवं शारीरिक तथा पारिवारिक, आर्थिक ,सामाजिक अवस्था समेतलाई ध्यानमा राखेर यदि उपयुक्त औषधिको चयन गर्न सकियो भने यस रोगमा स्थाई एवं अप्रत्याशित फाईदा हुन्छ। जसलाई यो समस्या भएको धैरै समय भएको छैन त्यस्ता रोगीले उपचार गर्दा ३/४ महिना भित्र फाईदा भएको देखिन्छ भने रोग पुरानो भएमा बढि समय लाग्न सक्छ। धेरै जसो रोगीहरुमा राईटर्स क्राम्प रोगका लक्षणहरुको मुक्ति पछि पनि रोग पुन: देखा पर्दछ। त्यसैले फाईदा भए पछि पनि बिरामीले औषधिको सेवन चिकित्कको सल्लाह बिना बन्द गर्नु हुँदैन। पुरा कोर्ष गर्नु पर्दछ ताकि रोगको पुनरावृतिको संभावना नरहोस। यस रोगमा प्रयोग हुने केहि औषधिहरु निम्न लिखित छन।

औषधिहरु: मेगफाँस, कलकेरियाफाँस, नेट्रमफाँस, नेट्मम्युर, कालिम्युर, साईलिशिया, कल्केरिया कार्ब, जिकंममेटालिकम, मर्कसल, कुप्रम मेटालिकम, साईक्लामेन, एनाकर्डियम, चेलिडोनियम, स्टेनम, सलफर आदी।
अस्तु !

Mishradr.lk@gmail.com

प्रकाशित : जेष्ठ १८, २०७५ १७:४७
ADVERTISEMENT
प्रतिक्रिया
पठाउनुहोस्

सांसदको चुनौती, ‘अर्थमन्त्रीज्यू वडाध्यक्ष जितेर आउनुस्’

मकर श्रेष्ठ

काठमाडौँ — अर्थमन्त्रीले युवराज खतिवडाले सांसदको अपमान गर्ने गरी बजेटको व्यवस्था गरेको भन्दै सांसदहरुले वडाध्यक्ष जितेर देखाउन चुनौती दिएका छन् । संसद्‍मा बजेटमाथि छलफल चलिरहँदा सत्तापक्ष र प्रतिपक्षका सांसदहरुले अर्थमन्त्रीको विरोध गरिरहेका छन् । 

शुक्रबारको छलफलमा सत्तापक्ष संघीय समाजवादी फोरमका सांसद प्रदीप यावदले सांसदको दबाबमा चार करोड बजेट छुट्याउनु परेको भन्दै दिएको अभिव्यक्तिले सांसदको अपमान गरेको बताए। ‘चार करोड हामीलाई दान दिएजस्तो गरिरहेको छ,’उनले भने, ‘हामीले भिख दिएजस्तो लाग्यो। हामी जनताबाट निर्वाचित जनप्रतिनिधि हौं। आशीर्वाद र टिकेप्रथाबाट आएका हैनौं। तपाईं पहिला जनताको प्रतिनिधि भएर आउनुस्।’

वडाध्यक्ष समेत जितेर नआएको व्यक्तिले सांसदको अपमान गरेको उनले आरोप लगाए। ‘तपाई जनताको प्रतिनिधि होइन। हामीलाई अपमान गर्दा दिलमा चोट पुगेको छ,’ उनले भने, ‘चार करोड राख्नुस् जे जे बनाउनु छ बनाउनुहोस्।’ चार करोड रुपैयाँ रोइरहेको बच्चालाई चकलेट दिएजस्तो गरेको उनको आरोप छ।
पूर्वमाओवादी केन्द्रका सांसद अमनलाल मोदीले अर्थमन्त्री युवराज खतिवडा मनोनित सांसद भएकोले जनताको चाहना र भावना बुझ्न नसकेको बताए। ‘आफू नमरेसम्म स्वर्ग देखिँदैन भन्थ्यो, हो रै'छ जस्तो लाग्यो,’ उनले भने, ‘मनोनितले जनताको भावना बुझेन।’ सांसदको मानमर्दन गर्न नसके देशको विकास नहुने उनले बताए।
सत्तापक्षकै सांसद अग्नी सापकोटाले पनि अर्थमन्त्रीको आलोचना गरे। बजेटले राजस्व चुहावट, आर्थिक अनुशासन कायम गर्नेलगायत अन्य सुधार गर्ने भए पनि घोषणापत्र, नीति तथा कार्यक्रम, नेताहरुले गरेको प्रतिबद्धता अनुसार नभएको बताए। बजेटले अग्रगामी फड्का हान्न नसकेको उनले औंल्याए। ‘ड्याम ड्याम धक्का मार्दै अघि बढ्नु पर्नेमा धक्का मार्नै सकेन। जनताले महान् अग्रगामी छलाङ खोजेका थिए। छलाङ नदेख्दा जनतामा उत्साह देखिँदैन,’ उनले भने, ‘आउट लुक राजनीतिको उच्चतापबाट पैदा हुन्छ। आउट लुक ज्ञानको आयतभन्दा बढी हुन्छ। काठमाडौं उपत्यकामात्रै नेपाल होइन। उपत्यकाभन्दा धेरै जनसंख्या छ। किताव र अर्थशास्त्रको विज्ञको दर्शन त यहाँ देखा पर्छ। विशाल जनसंख्याको दर्द, पीडाको विश्लेषण गर्न कमी भएको छ।’

राजनीतिक पार्टीका सांसदलाई विस्थापित गर्ने खेल खेलिरहेको उनले आरोप लगाए। ‘अर्थमन्त्रीको राजनीतिक सोजबुझको कमी देखियो,’ उनले भने। सत्यबोध भएपछि बजेटमा सुधार गर्न आँट गर्नुपर्ने उनले बताए। ‘लेख्नु पर्ने च्याउ, लेखियो स्याउ। त्यति पनि सच्याउन नसक्ने हो भने विकासमा फड्का मार्न सकिँदैन,’ उनले भने, ‘सहिद परिवार, बेपत्ता अपाङ्गता भएका ब्यक्तिको परिवारको समस्या समेटिएन। उनीहरुलाई अवमूल्यन गर्नु हुँदैन।’

प्रकाशित : जेष्ठ १८, २०७५ १७:४३
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्