काठमाडौँ — जिमेलले ४ वर्षअघि नयाँ–नयाँ फिचरसहितको मोबाइल एप इन्बक्स सुरुवात गरेको थियो । मोबाइलमा जिमेलले नसमेटेको फिचर राखिएका कारण यो धेरै प्रयोगकताएको मनमा बस्यो पनि ।
तर, यसै साता गुगलले यो एपलाई बन्द गर्ने घोषणा गरेको छ । केही अघि मात्रै जिमेलले आफ्नो एप जिमेलमा नै इन्बक्समा अधिकांश फिचर समेटेर सार्वजनिक गरेको छ । गुगलले जिमेल एपलाई नै डिफल्ट एपका रूपमा एन्ड्रोइड फोनमा राख्न थालेको छ ।गुगलले इन्बक्समा भएका र जिमेल एपमा नभएका केही फिचरलाई चाँडै जिमेल एपमा सुरु गर्ने जनाएको छ । पछिल्लो पटक यही वर्षको अप्रिलमा गुगलले जिमेल एपको नयाँ डिजाइन सार्वजनिक गरेको थियो ।
प्रतिक्रिया
