काठमाडौँ — यो खेलमा एकपटकमा ३२ देखि ४० जना बालबालिका सहभागी हुन सक्छन् । सहभागी खेलाडीहरूको उमेर १० देखि १४ वर्षको भए राम्रो मानिन्छ ।
यो खेलका लागि ५० मिटर लामो मैदान र कम्तीमा ५० वटा खाली बोतल आवश्यक हुन्छ । यसरी सहभागी हुने खेलाडीले सरल रेखामा १–१ मिटरको फरकमा राखिएका बोतललाई (चित्रमा देखाएजस्तै) दायाँबाट बायाँ वा बायाँबाट दायाँ घुम्दै दौड पूरा गर्नुपर्छ ।
खेल्ने तरिका
यो खेलमा सहभागी खेलाडीलाई ८ देखि १० समूहमा एउटा समूहमा ४ जना पर्ने गरी विभाजित गर्नुपर्छ । प्रत्येक समूहको खेलमा पहिलो हुने खेलाडीलाई दोस्रो चरणमा प्रवेश गराउनुपर्छ । दोस्रो चरणमा पनि खेलाडीको संख्या हेरेर समूह विभाजन गरेर खेलाउन सकिन्छ । अन्तिम चरणमा पुगेका ४ खेलाडीबीच फाइनल प्रतिस्पर्धा गराएर विजेता छनोट गर्न सकिन्छ । यो खेल खेल्दा दौडने खेलाडीले बोतललाई घुम्ने क्रममा बोतल ढाल्नुहुँदैन र प्रत्येक बोतललाई नियमपूर्वक घुमेको हुनुपर्छ । अन्यथा त्यस्तो खेलाडी अयोग्य मानिन्छ ।
प्रकाशित : पुस ३०, २०७४ ०८:१३
