हाम्रो घरको हजुरबुवा
काठमाडौँ — हाम्रो घरको हजुरबुवा, बिरामी हुनु’भो,
बुढयौलीले सताएर, ओछयानमा सुत्नु’भो ।
कपाल सबै सेतो भयो, दाँत पनि छैन,
उठ्न खोज्नुहुन्छ तर, उठ्ने शक्ति छैन ।
कैलेकाहीं रुनुहुन्छ, धेरै दुख्छ पेट,
विदेश गा’को छोरासँग, हुँदैन कि भेट ।
दिसा–पिसाब आपंैm गर्न, उहाँ सक्नुहुन्न,
अरूलाई दु:ख दिन, उहाँ मान्नुहुन्न ।
कराएर बोल्नुपर्छ, कान सुन्नुहुन्न,
खाना पनि खानुस् भन्यो, खाँदै खानुहुन्न ।
जतिसुकै खाए पनि, औषधिले छुन्न,
भेट्न आउने मान्छेलाई, उहाँ चिन्नुहुन्न ।
गोडा दुख्यो भन्नुहुन्छ, गोडा मिचिदिन्छु,
सम्झनाको लागि यौटा, फोटो खिचिदिन्छु ।
हाम्रो घरको हजुरबुवा, बिरामी हुनु’भो,
बुढयौलीले सताएर, ओछयानमा सुत्नु’भो ।
-डा. मुकुन्द पथिक
प्रतिक्रिया