सचेत भन्नेहरु

ऐन र कानुनको तर्जुमा र व्याख्यामा

भएको छैन अन्त्य जातीय विभेदको

जति कुरा गरे पनि लैंगिक हिंसा जारी छ

समानताको कुरा गरेर नथाक्नेहरू

र व्यवहारमा उतार्न नसक्नेहरू

आफैँले आफैँलाई सचेत छु नभन ।

नारी हिंसा अन्त्यका लागि विचार गोष्ठीमा

दमदार भाषण गर्नेहरू,

तिम्रो घरमा जारी छ नारी हिंसा र अपमान

पहिला अन्त्य गरेर आऊ ।

अनि,

घन्काऊ नारी हिंसाविरुद्धको आवाज र

आह्वान गर सबैलाई,

विद्यमान लैंगिक विभेद र हिंसाको अन्त्य गराँै ।

आफ्नै घरमा समसत्ता कायम गर्न नसक्नेहरू

भो आफूले आफैँलाई सचेत छु नभन

एता सुन त, ए सभ्य भनिएकाहरू

शिक्षालाई पहिला व्यवहारमा उतार

कागजी शिक्षा त हासिल गर्‍यौ तिमीले

व्यवहारमा उतार्न चाहेनौ या सकेनौ

भो आफूले आफँैलाई सचेत छु नभन ।

-कविता राय, कक्षा–१०

आजाद मावि, पाँचाखाल–१२ काभ्रेपलाञ्चोक