भर्याङ
काठमाडौँ — छेउछाउमा लामा बाँस
बीचमा साना टुक्रा धेरै,
तलमाथि गर्ने वेला
खडा हुन्छ जतिखेरै ।
काठ अनि फलामका
भर्याङ हुन्छन् थरीथरी,
चढ्दा अनि झर्दाखेरि
डर लाग्छ घरीघरी ।
जत्रो चाहियो त्यत्रै बन्ने
यो हो अनौठोको सामान,
सजिलो छ तल झर्न
अनि फुत्त माथि जान ।
जे परे नि अग्लो ठाउँमा
यसले गर्छ ठूलो काम,
बाँसमा काँटी ठोकी बन्ने
भर्याङ हो यसको नाम ।
-अदिश गौतम, कक्षा–४
काञ्जीरोवा नेसनल मावि,
काठमाडौँ
प्रतिक्रिया