काठमाडौँ — हरियो भो सेरोफेरो लागेपछि ठूलो झरी,लटरम्म तरकारी छन् घरका बारी–कान्लाभरि ।
लौका, भन्टा, करेला छन्
झालैभरि सिमी–फर्सी,
घिरौँला र चिचिन्डासँगै
काँक्रो टिप्नुपर्ला पर्सि ।
दायाँ हेरे टमाटर
बायाँ हेरे भिन्डी–बोडी,
घरका ताजा तरकारी
कतै जानुहुन्न छोडी ।
स्वस्थ अनि स्वादिला छन्
आफ्नै घरका तरकारी,
तरकारीले भरिपूर्ण छ
हाम्रो करेसाबारी ।
-आरती ज्ञवाली, कक्षा–७
अमरसिंह मावि, पोखरा
प्रतिक्रिया
