काठमाडौँ — हेर्दा लामो गोलो–गोलो
दुवैतिर हुन्छ छाला
मीठो आवाज दिन्छ यसले
पड्काइदिँदा दुवै गाला ।
छालामाथि टाँसिएको
हुन्छ कालोकालो खरी
यसकै तालमा गीत गाई
नाच्छन् रमाइलो गरी ।
ढुङ्ग्रो जस्तो काठमाथि
बाँधिएको हुन्छ रसी
यसकै मीठो धुनसँगै
नाच्छन् मानिस कम्मर कसी ।
कहीँ घाँटी कहीँ खुट्टामा
राखी बजाउँछन् यसलाई
म नि नाच्छु कहिलेकाहीँ
यसकै तालमा गीत गाई ।
-हरिमाया वाग्ले, कक्षा–९
पिपुल्स फ्रेन्डसिप एकेडेमी, काठमाडौं
प्रकाशित : मंसिर १६, २०७५ १०:२६प्रतिक्रिया