काठमाडौँ — ठूलो पाटाको एक छेउबाट
अचानक आएपछि बौलाह हुरी
आगोले घर निल्यो
आमाले आगो निलिन्
खरानी मन बोकेर
हातपाउ हजुरको महलमा खटियो ।
भान्सामा काटेपछि तरकारी
मझेरीमा लगाएपछि झाडु
रछ्यानमा चम्काएपछि भााडा
शौचालयमा दलेपछि पोछा
मन्दिरमा चढाएपछि अगरबत्ती
विद्यालयको आागन देखें !
पुसको ठन्डीमा कााप्दै
छोरी भेट्न आउनुभएको बा
हजुरले परार साल किनिबक्सेको
खैरो ज्याकेटले ढाकिएपछि
हामी सुखी भएका हौं मालिक !
म भुइँ छोडेर बुर्लुक्क उफ्रिएको पल
हजुरले हजुरनीको मुहारमा हेर्दै
भनिबक्स्यो, ‘हामारी बेटी’
भुलेर नि:सन्तान हुनुको पीडा
मालिक्नी सापले मुस्कुराउादै
ढाडमा न्यानो ढाप मारिबक्सेपछि
पहिलो पटक मालिक्नीसापको आाखामा आमा देखें
र म भावविभोर भएको हुा मालिक !
हजुरको दाइको छोराले ल्याइबक्सेको स्याउ
भोकको भुमरीमा एक दाना चपाउादा
आज कसरी चोर भएा ?
देख्नुभएन ?
मेरो शिरसाग खेल्नुपर्दा
कुचोको डााठ भत्किएर रोएको !
शरीरभन्दा ठूलो नाङ्लो
स–साना औंलाहरुले चेप्न नसकेर
एक मुठ्ठी चामल छरिादा
हजुरले किन गरिबक्स्यो ?
मलाई सडक पठाउने फैसला !
माफी बक्सियोस् मालिक !
नयाा खबर आइपुगेकै बेला
निस्कनुपर्यो भने ढोकाबाट
मैले कसरी हेर्न सक्छु ?
सन्तानप्राप्तिको खुसीमा धपक्कै बलेको
मालिक्नी सापको अनुहार !
प्रकाशित : माघ २०, २०७४ ०८:५४
