काठमाडौँ — सुनसरी जिल्लाको आकर्षण रहिआएको कोसीटप्पु वन्यजन्तु आरक्ष पश्चिममा सप्तरी र उत्तरमा उदयपुर जिल्लासँग जोडिएको छ । कोसी नदीको किनारमा अवस्थित यो आरक्ष करिब १ सय ७५ वर्गकिलोमिटर क्षेत्रफलमा फैलिएको छ । अर्नाका लागि प्रख्यात मानिए पनि कोसीटप्पुलाई ‘चराको राजधानी’ भनेर चिनिन्छ ।
मानिसहरूले बसाइँ सरेझंै चराचुरुङ्गी पनि मौसम बदलीसँगै चैतदेखि भदौसम्म बसाइँ सर्ने गर्छन् । प्राय: ग्रीष्म ऋतुमा पानी– झरीका कारण चरा अवलोकन गर्ने स्वदेशी वा विदेशी पाहुनाको संख्या निकै कम रहने गरेको कोसी बर्ड सोसाइटीका अध्यक्ष अनिश तिम्सिना बताउँछन् । दक्षिणी भूभागको भारत र श्रीलंकाबाट प्रजनन गर्न १७ र प्रजनन नगर्ने १२ गरी कुल २९ प्रजाति चराहरू कोसीटप्पुसम्म आउने गर्छन् । चरा गणनाको विवरणअनुसार आरक्षभित्र अहिलेसम्म जम्मा ५ सय २८ प्रजातिको चरा आइजाइ गरिरहेको रेकर्ड छ ।
नीलपुच्छ्रे मुरलीचरा
बीउ कुहियो
सुन्तले चाँचर
स्वर्गचरी
जुरे कोइली
ध्यानी बकुल्ला
शब्द/तस्बिर: यात्रा राई थुलुङ
प्रकाशित : असार ९, २०७५ ११:१३