गीतकार खरेललाई महानन्द
काठमाडौँ — यस वर्षको महानन्द साहित्य सम्मान कवि/गीतकार किरण खरेलले प्राप्त गरेका छन् । १२२ औं महानन्द जयन्तीका अवसरमा अन्तर्राष्ट्रिय नेपाली साहित्य समाज (अनेसास) डयालस, टेक्सासद्वारा उपलब्ध ५० हजार रुपैयाँसहितको सम्मान राजधानीमा मंगलबार कवि विप्लव प्रतीक र निबन्धकार/पत्रकार दीपक सापकोटाले प्रदान गरे ।
नेपाली भाषाको श्रीवृद्धिमा विशेष योगदान दिने साहित्यिक व्यक्तित्वहरूलाई सन् २०१२ देखि महानन्द सापकोटा साहित्यिक पुरस्कार गुठीले यो सम्मान दिँदै आएको छ । हालसम्म विप्लव प्रतीक, वसन्त थापा, गोविन्द वर्तमान, किशोर नेपाल र दुर्गालाल श्रेष्ठ सम्मानित भइसकेका छन् ।
प्रतिक्रिया
