ट्रयाक्टर दुर्घटनामा एकको मृत्यु, दुइ घाइते
रामेछाप — रामेछापको भलुवाजोरमा ट्रयाक्टर दुर्घटना हुँदा एक जनाको मृत्यु भएको छ भने २ जना घाइते भएका छन् ।
दुर्घटनामा मन्थली नगरपालिका-६ की सानुमाया तामाङको घटनास्थलमा नै मृत्यु भएको जिल्ला प्रहरी कार्यालय रामेछापका प्रहरी निरीक्षक राजेन्द्रकुमार थापाले बताए । थापाका अनुसार दुर्घटनामा घाइते भएका भलुवाजोरका कुलबहादुर थोकर र पूर्णिमा मोक्तानलाई उपचारका लागि जिल्ला अस्पताल रामेछाप लगिएको छ ।
घर बनाउने ढुंगा बोकेको ट्रयाक्टर स्टेरिङले काम नदिएपछि सडकबाट पल्टिएको थियो । दुर्घटनापछि भागेका चालक राजकुमार तामाङलाई प्रहरीले नियन्त्रणमा लिएको थापाले बताए ।
प्रकाशित : माघ ३, २०७४ १६:४८प्रतिक्रिया