नवलपरासीमा ८८ जना नयाँ कुष्ठरोगी भेटिए
नवलपरासी — नवलपरासीमा कुष्ठरोगका ८८ जना नयाँ विरामीहरु फेला परेका छन् । जिल्ला जनस्वास्थ्य कार्यालय नवलपारसीले जिल्लाका १२ वटै स्थानीय तहमा गरेको ‘सर्च अभियान’ मा यतिको संख्यामा विरामीहरु फेला परेका हुन् ।
कार्यालयले स्वाथ्यकर्मी, महिला स्वयंसेविकासहितको विशषेज्ञ टोली भएर जिल्लाका विभिन्न ठाउँहरुमा ६ दिन लगाएर अभियान चलाएको थियो ।
जिल्लामा गत वर्ष ७७ जना कुष्ठरोगका विरामीहरु थिए ।
नेपाललाई ८ वर्षअघि नै कुष्ठरोग उन्मुलन भएको भनेर घोषणा गरेको भएपनि नवलपरासी सहित रुपन्देही ,कपिलवस्तु, कैलाली लगायतका जिल्लाहरुमा कुष्ठरोग भएका बिरामीहरु भेटिएपछि सरकारले कुष्ठरोगी खोजी अभियान सञ्चालन गरिरहेको छ ।
प्रतिक्रिया