१६ किलो चाँदीका गहनासहित २ पक्राउ
काठमाडौँ — काठमाडाैंको झोछेबाट चाँदीका १६ किलाे अबैध चाँदीका गहना र ९८ हजार नगद सहित २ जना पक्राउ परेका छन् ।
महानगरीय प्रहरी बृतको टोलीले आइतबार दिउँसो अढाई बजे विरगञ्ज महानगरपालिका–२ श्रीराम हल घर भई नागार्जुन नगरपालिका–७ सितापाईला बस्दै आएका ४० वर्षीय सुरेश सर्राफ र संगै हिडिरहेका विरगञ्ज–३ छप्कैयाका ३० वर्षीय कृष्णा सर्राफलाई पक्राउ गरेको हो ।
सुनचाँदीको अवैध कारोवार हुदै गरेको विशेष सुचनाको आधारमा उनीहरु पक्राउ परेका हुन । पिठ्युमा झोला बोकेर हिडिरहेका सुरेश माथि शंका लागेर जाँच गर्दा चाँदीको पाउजु, कम्मरमा लगाउने साडी बोल्ट, चाबी रिङ्ग लगायतका १६ किलो २ सय ५० ग्राम चाँदीका गहना र ९८ हजार ५०० नगद फेला परेको प्रहरीले जनाएको छ ।
प्रकाशित : फाल्गुन २८, २०७४ ११:११प्रतिक्रिया