बेपत्ता मजदुर एक साता पछि मृत्त फेला

पारिबगड–खण्डेश्वरी सडक खण्डमा काम गर्दै आएका बर्दियाको तिरुवा गाउपालिका–६ का अन्दाजी २५ वर्षीय रमेश सुनाहा आइतबार रुखमा झुण्डिएको अवस्थामा फेला परेको इलाका प्रहरी कार्यालय लटिनाथले जनाएको छ ।

सुनाहाका आफन्तले चैत १२ गते लटिनाथ प्रहरी चौकीमा हराएको खबर गरेका थिए । सडकबाट २० मिटर माथिल्लो भागमा झुण्डिएको अवस्थामा फेला पारेको प्रहरी नायब निरीक्षक भरत बिष्टले बताए ।