छुरा प्रहार गरी छोराको हत्या
भक्तपुर — भक्तपुरमा एक व्यक्तिले छुरा प्रहार गरी छोराको हत्या गरेको छ । भक्तपुर नगरपालिका–१० कमलविनायक बस्ने चाँगुनारायणका ३५ वर्षीय पलमान गिरीले आइतबार आफ्नै छोरा १२ वर्षीय प्रतिक गिरीलाई छुरा प्रहार गरी हत्या गरेको प्रहरीले जनाएको छ ।
छुरी प्रहारबाट सख्त घाइते प्रतिकको उपचारको क्रममा केएमसी अस्पताल सिनामङ्गल काठमाडौंमा मृत्यु भएको महानगरीय प्रहरी परिसर भक्तपुरका सूचना अधिकारी प्रहरी निरीक्षक सुशीलकुमार पाण्डेले बताए ।
मृतकको बाबु गिरीलाई महानगरीय प्रहरी वृत्त जगातीले नियन्त्रणमा लिएर अनुसन्धान गरिरहेको प्रहरीले जनाएको छ ।
प्रकाशित : जेष्ठ २७, २०७५ १७:५७प्रतिक्रिया
