चीनले दियो ५ स्थानीय तहलाई एम्बुलेन्स 

कान्तिपुर संवाददाता

काठमाडौँ — चीन सरकारले विभिन्न ५ हिमाली जिल्लाका स्थानीय तहलाई एम्बुलेन्स उपहार दिएको छ ।

Yamaha

राजधानीमा शनिबार आयोजित कार्यक्रममा उपप्रधान एवं स्वास्थ्यमन्त्री उपेन्द्र यादव र नेपालका लागि चिनियाँ राजदूत यु होंगले ती एम्बुलेन्स स्थानीय तहका प्रमुखलाई हस्तान्तरण गरेका थिए । नेपाल चीन हिमालय मैत्री समाजका अध्यक्ष एवं पूर्व पर्यटनमन्त्री आनन्दप्रसाद पोखरेलको पहलमा एम्बुलेन्स हस्तान्तरण भएको हो ।

संखुवासभाको खादबारी, दोलखाको भीमेश्वर, लमजुंगको मध्यनेपाल, काभ्रेको मण्डन देउपुर र सिन्धुपाल्चोकको जुगल स्थानीयतहलाई चीन सरकारले एम्बुलेन्स उपलब्ध गराएको हो ।

कार्यक्रममा उपप्रधानमन्त्री यादवले छिमेकी चीनले शिक्षा र स्वास्थ्यमा समेत सहयोग गर्दै आएकोमा खुसी प्रकट गरे ।
समाजका अध्यक्ष एवं नेपाल कम्युनिष्ट पार्टीका युवा नेता पोखरेलले आगामी दिनमा समेत चिनियाँ सहयोग उपलब्ध हुने विश्वास राख्दै यसले दुई देशको जनताको तहको सम्बन्ध बलियो हुने धारणा राखे ।

Esewa Pasal

प्रकाशित : श्रावण १२, २०७५ २१:४८
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

महिला फुटबलको उपाधि प्रिन्ट मिडियालाई

रासस

काठमाडौँ — नेपाल पत्रकार महासंघ महिला विभागद्वारा आयोजित महिला फुटबल प्रतियोगिताको उपाधि प्रिन्ट मिडियाले जितेको छ । 

‘महिला पत्रकार कोषका लागि एक गोल’ भन्ने नाराका साथ शनिबार सातदोबाटोस्थित एन्फा मैदानमा भएको प्रतियोगितामा अनलाइन मिडियालाई २–१ गोलले पराजित गर्दै प्रिन्ट मिडियाले उपाधि जितेको हो। खेल जारी रहेकै बेला रातपरेपछि खेल बीचमै रोकेर पेनाल्टीमार्फत विजेता घोषित गरिएको थियो।

विजेता टोली प्रिन्टका लागि पून्यवती ढकाल र भाषा शर्माले गोल गरेका थिए भने अनलाइनका तर्फबाट मुना कार्कीले मात्र गोल गर्न सकिन्, अन्य खेलाडीले हानेको पेनाल्टीले गोलपोष्टको दिशा लिन सकेन।

प्रतियोगितामा रेडियो र टेलिभिजनले संयुक्तरुपमा तेस्रो स्थान प्राप्त गरे। निर्धारित २० मिनेटको खेलमा दुवै टोलीले गोल गर्न नसकेपछि दुवै टोलीलाई तेस्रो भएको घोषणा गरिएको थियो।

विजेता टोली रेडियोलाई १–० गोलले र उपविजेता अनलाइन टोली टेलिभिजनलाई २–१ ले पराजित गरी फाइनलमा पुगेका थिए।

विजेता तथा उपविजेता टोलीलाई नेपाल पत्रकार महासंघका उपाध्यक्ष विपुल पोखरेल, महासचिव रमेश विष्ट, सचिव रामप्रसाद दाहाललगायतले ट्रफी प्रदान गरे।

यसअघि प्रतियोगिताको उद्घाटन गर्दै युवा तथा खेलकुद मन्त्री जगतबहादुर सुनार विश्वकर्माले खेलकुद क्षेत्रका समस्याबारे पत्रकारहरुले आ–आफ्नो मिडियाबाट खबरदारी गर्न आग्रह गरे।

खेलकुदको क्षेत्रबाट मुलुकको समृद्धि गर्न सकिने बताउँदै उनले नेपालमा अन्तर्राष्ट्रियस्तरका खेल मैदान निर्माण थालिने बताए। मन्त्री विश्वकर्माले विजेता टोलीले प्राप्त गर्ने गरी प्रोत्साहनस्वरुप रु १० हजार महासंघका कोषाध्यक्ष राजेश मिश्रलाई हस्तान्तरण गरे।

प्रकाशित : श्रावण १२, २०७५ २१:४१
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT