कक्षा व्यवस्थापनको माग गर्दै तालाबन्दी 

कान्तिपुर संवाददाता

काठमाडौँ — आमसञ्चार तथा पत्रकारिताअन्तरगत स्नातकोत्तर तहको दोस्रो सेमेष्टरका विद्यार्थीहरुले त्रिवि आमसञ्चार तथा पत्रकारिता विभागमा तालाबन्दी गरेका छन् ।

पहिलो सेमेष्टर देखि नै कक्षा कोठाको व्यवस्था नभएको र बेलाबेलामा कोठा परिवर्तन गर्दा पढाईमा अवरोध पुगेको भन्दै उनीहरुले बिहीबारप्रदर्शनी मार्गस्थित विभाग कार्यालयमा तालाबन्दी गरेका हुन।

पढाई हुँदै अाएकाे काेठा अारअार कलेज व्यवस्थापनले बन्द गरे पछिविद्यार्थीहरु अान्दाेलित भएका हुन ।उनीहरुले माग सम्बोधन नभएसम्म तालाबन्दी नखुल्ने चेतावनी दिएका छन्।

प्रकाशित : मंसिर २०, २०७५ ०८:४५
ADVERTISEMENT
प्रतिक्रिया
पठाउनुहोस्

पौडेलका आधा दर्जन कृति

कान्तिपुर संवाददाता

काठमाडौँ — लेखक तथा समालोचक हेमनाथ पौडेल एकैसाथ आधा दर्जन कृति लिएर आएका छन् । पौडेलले समालोचना, निबन्ध, संस्मरण, समीक्षा लगायतका विधाका ७ पुस्तक निकालेका हुन् ।

प्रगतिवादी कवितासम्बन्धमा विद्यावारिधि गरेका पौडेलका हालै बजारमा आएको कृतिहरूमा ‘प्रगतिवाद र कवितामान्यता’, ‘कविता समालोचना’, ‘नेपाली प्रगतिवादी कविता : इतिहास र प्रवृत्ति’, ‘समीक्षा र भूमिका’, ‘पारिभाषिक शब्द परिचय’, ‘चिन्तन र संस्मरण’ र ‘ताप्लेजुङतिर प्रचलित लोकगीतिनृत्य धाननाच’ रहेको छन् ।

नेपाल प्रज्ञा–प्रतिष्ठानका प्राज्ञ सभा सदस्य रहिसकेका उनका यसअघि ‘भाषा साहित्यका दुई हस्ती’, ‘कृष्णमणि साहित्य पुरस्कारद्वारा सम्मानित स्रष्टाहरू’, ‘प्रगतिवादी दृष्टमा कवि र कविता’, ‘सन्दर्भपरक समालोचना’ तथा ‘भाषाविज्ञान र नेपालका भाषाहरू’ गरी पाँच कृति प्रकाशित भइसकेका छन् ।

नयाँ कृतिहरू पैरवी प्रकाशन, तन्नेरी प्रकानशन, विवेक सिर्जनशील प्रकाशन र नेपाल संगीत तथा नाट्य गीत प्रज्ञा–प्रतिष्ठानले छापेका हुन् । त्रिभुवन विश्वविद्यालयमा तीन दशक लामो प्राध्यापन अनुभव संगालेका पौडेलले त्रिविका साथै विभिन्न तहका पाठ्क्रमको निर्माण र पाठ्यपुस्तक लेखनसमेत गरेका छन् ।

हाल उनी त्रिविअन्तर्गत अनिवार्य नेपाली विषय समितिको अध्यक्षसमेत हुन् । ‘कृति विभिन्न समयमा लेखिएको हो,’ उनले भने, ‘तर, प्रकाशनको संयोगचाहिँ एउटै पटक हुनपुग्यो ।’

प्रकाशित : मंसिर २०, २०७५ ०८:२८
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT