डढेलो निभाउँदा एकको ज्यान गयो
धनकुटा — धनकुटाको सहिदभूमी गाउँपालिका-२ इलामेको थालाखाम सामुदायिक वनमा लागेको डढेलो निभाउनेक्रममा शुक्रबार एक स्थानीयवासीको मृत्यु भएको छ।
मृत्यु हुनेमा स्थानीय ५० वर्षीय बेनुप्रसाद छारा रहेको प्रहरीले जनाएको छ । आगोले जलेर सख्त घाइते भएका छारालाई उपचारको लागि विराटनगर लैजाँदै गर्दा बाटैमा मृत्यु भएको जनाइएको छ । आगलागीबाट उनको घर गोठ समेत जलेर नष्ट भएको छ ।
जिल्लामा पछिल्लो दुई सातामा दर्जनौ सामुदायिक वनमा डढेलो लाग्दा सयौं हेक्टर अमुल्य वनस्पति नष्ट भएको सामुदायिक वन उपभोक्ता महासंघ स्रोतले जनाएको छ । यस्तै वनमा लागेको डढेलो वस्तिमा सल्कँदा उक्त अवधिमा करिब एक दर्जन घर जलिसकेका छन् ।
प्रकाशित : चैत्र ९, २०७४ १६:३९प्रतिक्रिया
