सात जुवाडे प्रहरी नियन्त्रणमा

जुवा खेलिरहेको स्थानबाट १ लाख १५ हजार ६ सय ९५ रुपैयाँ नगदसहित सात जनालाई नियन्त्रणमा लिएको जिल्ला प्रहरी कार्यालयले जनाएको छ ।

नियन्त्रणमा लिएकाहरु तानसेन नगरपालिका–११ का वडा सदस्य चुराबहादुर गोदार, तानसेन–४ का कृष्ण थापा, सोही स्थानका गणेश कुवर, तानसेन–३ का सुशील कुँवर, तानसेन–२ का टेकनाथ न्यौपाने, तानसेन–४ का प्रकाश कार्की र रिब्दीकोट गाउँपालिका, ६ का शिव जिसी छन् ।

जुवा खेलिरहेको विशेष सुराकीको आधारमा प्रहरी अधिकृतसहित खटिएको प्रहरी टोलीले छापा मार्दा सेन्चुरी हट रेष्टुरेन्टबाट उनीहरुलाई नियन्त्रणमा लिएको प्रहरी नायब उपरीक्षक विनोद घिमिरेले बताए । प्रहरीले शुक्रबार उनीहरुविरुद्ध जुवा ऐन अन्तर्गत मुद्दा दर्ता हुने जनाएको छ ।