बालगृहमा मेयरको दसैं
उर्लाबारी — मोरङको उर्लाबारीमा अवस्थित नमुना बाल गृहका आश्रित बालबालिकाहरूले विजयदशमी मनाएका छन् । बालगृहका बालबालिकाहरूलाई उर्लाबारी नगरपालिकाका मेयर खड्ग फागोले टीका,जमरा लगाउँदै दक्षिणा दिएका थिए ।
बालबालिकाहरूमा दसैंको उत्साह र उमंग जगाउने हेतुले आफूले अनाथ आश्राममा दसैं मनाएको मेयर फागोले बताए ।
विभिन्न जिल्लाका बालबालिकाहरू गृहमा आश्रित रहेको अध्यक्ष मिनादेवी बरालले बताइन् । २०५९ सालमा स्थापना भएको गृहमा तीन जुम्ल्याहासहित ४६ जना बालबालिकाहरू छन् ।
प्रतिक्रिया