आज पनि धनकुटा बन्द

रमेशचन्द्र अधिकारी

धनकुटा — प्रादेशिक राजधानीको माग राख्दै आन्दोलनमा उत्रिएका धनकुटाबासीले आज पनि धनकुटा बन्द आव्हान गरेका छन् ।

धनकुटालाई प्रदेश नं.१ को राजधानी हुनु पर्ने माग राख्दै आन्दोलनरत स्थानीयले एक महिना अघिदेखि चरणबद्ध आन्दोलनका गतिविधि गर्दै आएका छन्। लगातार ६ दिनसम्म आमहड्ताल गरिएको धनकुटामा विगत २ दिन अघिदेखि आन्दोलनको स्वरुप बदल्दै अन्य गतिविधि गरिएको थियो। तर आज पुन: बन्द आव्हान गरिएपछि जनजीवन प्रभावित बनेको छ।

बन्दका कारण धरान धनकुटा सडक खण्डमा बिहानैदेखि यातायात चलेका छैनन्। बजार, पसल, उद्योग कारखाना समेत बन्द छन्। बिहानैदेखि बन्दकर्ताले धनकुटाको जीरो प्वाइन्ट, आत्मारा ढाट, देब्रेबास लगायतका स्थानमा सडकमा सवारी साधन रोकेका छन्।

आज बस्ने मन्त्रिपरिषद बैठकले प्रदेश बैठक लगायतबारे निर्णय गर्ने संकेत मिलेपछि दवाव स्वरुप पुन: बन्द आव्हान गरिएको आन्दोलन परिचालन समितिका संयोजक सुन्दरबाबु श्रेष्ठले बताए।पर्याप्त भौतिक पुर्वाधार र राणाकालदेखि हालसम्मको प्रशासनिक थलो धनकुटामा प्रदेश नं १ को राजधानी घोषणा गरिनुपर्ने प्रादेशिक राजधानी बनाउ‘ अभियानका संयोजक तथा धनकुटा प्रदेश नं १ का सदस्य निरन राईले दावी गरे।

प्रकाशित : पुस २७, २०७४ १०:३७
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

दक्षिण कोरियाली राष्ट्रपतिले भने– ‘उत्तरसँग वार्ता गर्न तयार छु’

सोल — दक्षिण कोरियाली राष्ट्रपति मुन जाय इनले दुई कोरियाबीचको सम्बन्धमा सुधार हुन्छ भने आफू उत्तर कोरियाली नेतासँग भेटवार्ता गर्न तयार रहेको बताएका छन् । राष्ट्रपति कार्यालय ब्लु हाउसमा आयोजित पत्रकार सम्मेलनमा उनले उक्त धारणा राखेका हुन् । 

दक्षिण कोरियाका राष्ट्रपति मुन जाय इन बुधबार आयोजित पत्रकार सम्मेलनमा ।

‘कोरियाली प्रायद्वीपमा देखिएको अशान्तिको अवस्था तथा सम्बन्धमा सुधार हुन्छ भने हामी भेटघाट र वार्ता गर्न तयार छौं, त्यसका लागि म खुला नै छु,’ उनले भने ।
मुनले दुई कोरियाबीचको वार्ताको ‘क्रेडिट’ अमेरिकी राष्ट्रपति डोनाल्ड ट्रम्पलाई जाने पनि बताएका छन् । वार्ताका लागि अमेरिकी नेतृत्वको प्रतिबन्ध र दबाबले भूमिका खेलेको उनले बताए ।
गत वर्ष राष्ट्रपतिमा निर्वाचित मुनलेनयाँ वर्षका अवसरमा अर्थात् गत जनवरी १ मा दिएको शुभकामना सन्देशमा पनि सम्बन्ध सुधारका लागि कोरियाली सम्मेलन (कोरिया समिट) को आयोजना गर्न सुझाव दिएका थिए ।
उनले अहिले नै दुई कोरियाबीच उच्च तहमा वार्ता गरी आवश्यक सम्बन्ध सुधारका साथै कोरियाली प्रायद्वीपमा शान्ति स्थापनाका लागि प्रयास गर्नुपर्ने प्रस्ताव गरेका छन् ।
दुई कोरियाबीच दक्षिण कोरियामा वार्ता सुरु भएको एक दिनपछि राष्ट्रपति मुनको यो धारणा आएको हो । लामो समयदेखि नै शत्रुतापूर्ण सम्बन्ध रहेका दुई कोरियाबीच दुई वर्षपछि मंगलबार पहिलो पटक यति उच्चस्तरमा औपचारिक वार्ता भएको हो ।
यो वार्तापछि वातावरण निर्माण भएकाले सम्बन्ध सुधारका लागि थप केही गर्नुपर्नेमा मुनले जोड दिएका हुन् । मंगलबारको वार्तापछि उत्तर कोरियाले दक्षिण कोरियामा आयोजना हुने शीतकालीन ओलम्पिकमाआफ्ना खेलाडी र प्रतिनिधि पठाउने जनाएको छ । आफ्नो टोलीमा खेलाडी, कलाकार, पत्रकार, सरकारी अधिकारीहरू र चियरलिडर्स सामेल गर्ने उत्तर कोरियाले जनाएको छ ।
वार्ता शीतकालीन ओलम्पिकका विषयमा केन्द्रित थियो । त्यस क्रममा दक्षिणले ओलम्पिकको उद्घाटन समारोहमा दुवै कोरियाले संयुक्त मार्चपास गर्ने प्रस्ताव
गरेको छ । सन् २००६ को शीतकालीन ओलम्पिकमा पनि दुवै कोरियाले मार्चपास गरेका थिए । यस्तै, कोरियाली युद्धकाकारण अलग भएका परिवारबीच पुनर्मिलन गर्नुपर्ने र सैनिक मुद्दा तथा आणविक कार्यक्रमसम्बन्धी वार्ता पुन: सुरु गर्न दक्षिण कोरियाले प्रस्ताव गरे पनि कुनै निर्णय भएको छैन । उत्तर कोरियाली वार्ता प्रतिनिधिले यस विषयमा आफूहरूले कुनै निर्णय दिन नसक्ने बताएका थिए ।
दक्षिण कोरियाले राष्ट्रसंघसँगको समन्वयमा केही प्रतिबन्धहरू अस्थायी रूपमा फुकुवा गर्नेबारे सोच्ने पनि जनाएको छ ।

प्रकाशित : पुस २७, २०७४ ०७:५८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT