त्रिशूली नदीमा प्रदूषण रोक्न माग गर्दै राजमार्गमा अवरोध

हरिहरसिंह राठौर

धादिङ — त्रिशूली नदी धमिलो भएकै कारण जल पर्यटन, होटल व्यवसायमा समेत प्रतिकूल प्रभाव परेको भन्दै त्रिशूली बचाउ अभियानले राजमार्गमा विरोध जनाएको छ ।

स्थानीयवासी र त्रिशूली बचाउ अभियानकर्ताहरुले जलयात्राका साधनहरु ऱ्याफ्टिङ्ग वोट तथा कायक राजमार्गमा राखेर विरोध जनाएका हुन् । ‘त्रिशूली नदी किनारमा जताततै खुलेका फिरफिरे खानीको बालुवा पखालेको हिलो र लेदो सिधै नदीमा मिसाइने गरेका कारण नदी धमिलो देखिने गरेको छ’ त्रिशूली बचाउ अभियानलाई सहयोग गरिरहेका वेनीघाट रोराङ्ग गाउँपालिका प्रमुख पित्तबहादुर डल्लाकोटी बताए । धमिलो त्रिशूलीले बूढीगण्डकीलाई समेत प्रदूषित गराएको प्रमुख डल्लाकोटीले बताए

Yamaha


नुवाकोट र धादिङ जिल्लाका त्रिशूली नदी किनारमा अव्यवस्थित र मापदण्डविपरीत सञ्चालनमा आएका बालुवा प्रशोधन केन्द्र(फिरफिरे) र ढुङ्गा तथा बालुवाखानीका कारण नदी प्रदुषित बन्ने क्रम बढ्दै गएको छ । नदी आसपास खुलेका होटलका फोहोरमैलाले पनि प्रदूषण बढाएको सरोकारवालाको भनाइ छ ।

त्रिशूली नदी बाह्रै महिनाजसो धमिलो बग्न थालेपछि विदेशी तथा स्वदेशी जलयात्रीहरुको संख्या कम हुँदै गएको जोगीमारा खटौटीस्थित रोयलवीच क्याम्पका जलयात्रा व्यवसायी विष्णु सिलवालले बताए । धादिङको बैरेनीदेखि गजुरीसम्म झण्डै डेढसय र नुवाकोटतर्फ ३ दर्जन संख्यामा फिरफिरे सञ्चालनमा छन् ।

प्राकृतिक सम्पदा संरक्षण समिति मलेखु धादिङका संयोजक श्रवण त्रिपाठीले प्रदूषण र अवैध उत्खनन रोक्नतर्फ स्थानीय सरकारले ध्यान नदिको गुनासो गरे ।

प्रकाशित : पुस २९, २०७४ १६:१२
ADVERTISEMENT
प्रतिक्रिया
पठाउनुहोस्

भारतमा बस दुर्घटना र आगलागीमा १३ को मृत्यु, १० जना घाइते

कान्तिपुर संवाददाता

नयाँदिल्ली — भारतमा बस दुर्घटना र आगलागीमा परी १३ को मृत्यु भएको छ भने १० जना घाइते भएका छन् ।

दक्षिणी राज्य कर्नाटकमा पुल तर्दै गर्दा शनिबार तलाउमा बस खस्दा कम्तीमा आठ जनाको मृत्यु भएको छ । १० जना घाइते भएका प्रहरी अधिकारीहरुले जानकारी दिएका छन् । कर्नाटक राज्यको राजधानी बैङलुरुदेखि २५० किलोमिटर टाढा पर्ने हास्सान जिल्लामा दुर्घटना भएको हो । दुर्घटनामा परेको सरकारी बसमा चालक र सहयोगीसहित ५० जना यात्रु रहेका थिए ।
तिब्र गतिमा रहेको बसको चालकले नियन्त्रण गुमाउँदा दुर्घटना भएको प्रारम्भिक विवरणबाट देखिएको एक जना वरिष्ठ प्रहरी अधिकारीहरुले बताएका छन् ।

मृतकमध्ये दुई जना महिला छन् । घाइतेहरुलाई स्थानीय अस्पतालहरुमा भर्ना गरिएको छ । बैङलुरुबाट धर्मास्तला जादै गर्दा बस दुर्घटना भएको हो ।

यसैगरी, जयपुर सरहको विधानगर क्षेत्रमा एक आवासीय भवनमा शनिबार भएको एक आगलागीमा एक परिवारको पाँच सदस्यको मृत्यु भएको छ । ग्यास सिलिण्डर पड्किएर आगलागी भएको बताइएको छ । आगलागीको समाचार प्राप्त भएपछि आग्राको भ्रमणमा रहेका परिवार तीन सदस्य पनि जयपुर फर्किएका बताएको छ ।

प्रकाशित : पुस २९, २०७४ १५:४८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT