ताजा जनादेशलाई सरकारले टेरेन : महरा

‘प्रतिनिधिसभा र प्रदेश सभाको निर्वाचनको जनादेशले पनि पार्टी एकता हुनैपर्छ,’ पत्रकारसंगको भेटमा बुधवार महराले भने, ‘दुवै पार्टीबीच खुलेर कुराकानी भएर पार्टी एकता हुनैपर्छ ।’ यसकालागि दुवै पार्टीका अध्यक्षबीच कुराकानी भइरहेको उनको भनाई थियो ।

महराले ताजा जनादेशलाई शेरबहादुर देउवा नेतृत्वको सरकारले नटेरेको बताए । राजीनामा दिएर अर्को सरकार गठनकालागि बाटो दिनुपर्नेमा विभिन्न संवैधानिक अवरोध देखाएर सत्ता लम्बाउने खेल भइरहेको उनको टिप्पणी थियो । राष्ट्रिय सभा निर्वाचनलगत्तै नयाँ सरकार गठन हुने उनले बताए ।