वीरगन्ज — बुधबारको मन्त्रिपरिषद बैठकले प्रदेश २ को अस्थायी राजधानी जनकपुर तोकेपछि वीरगन्जमा त्यसको विरोध भएको छ ।
वीरगन्जवासीले आफ्नो जिल्लालाई अस्थायी राजधानी नबनाएको विरोधमा आज वीरगन्ज बन्दको आह्वान गर्दै बिहानैदेखि प्रदर्शन गरिरहेका छन् ।
वीरगन्जको मुख्य चोकमा टायर बालेर प्रदर्शनमा उत्रेका प्रदर्शकारीहरुले वीरगन्जलाई अस्थायी मुकाम तोकिनुपर्ने माग राखेका छन् । त्यहाँको घण्टाघर माइस्थान लगायतका चोकमा प्रदर्शन भइरहेकोले कुनै पनि यातायातका साधन चलेका छैनन् ।
अस्थायी राजधानी माग गर्दै त्यहाँ सुरुभएकाे रिले अनशन पनि जारी नै छ। अनशनको आज १४ औं दिन हो । वीरगंजलाई प्रदेश राजधानी नबनाएसम्म अनशन नरोकिने संघर्ष समितिले बताएको छ ।
प्रतिक्रिया