कांग्रेसले टुंग्यायो राष्ट्रिय सभा उम्मेदवार
काठमाडौँ — कांग्रेसले राष्ट्रिय सभाका लागि सबै उम्मेदवारको टुंगो लगाएको छ ।
चार वटा प्रदेशका उम्मेदवार मंगलबार नै टुंग्याएको कांग्रेसले १, २ र ३ का उम्मेदवार पनि तय गरेको छ ।
राष्ट्रिय सभामा उम्मेदवारी दर्ता बुधबार नै हुँदैछ ।
कांग्रेसले प्रदेश नम्बर १ बाट मोरङका रमेशजंग रायमाझीलाई खुला र झापाकी सरिता प्रसाईंलाई महिला कोटामा उम्मेदवार बनाएको छ ।
प्रदेश नम्बर २ मा फोरम लोकतान्त्रिकबाट कांग्रेस आएका जितेन्द्रनारायण देव खुला र मुक्ताकुमारी यादव महिलाबाट उम्मेदवार भएका छन् ।
प्रदेश नम्बर ३ बाट राधेश्याम अधिकारी खुला र धना खतिवडा महिलाबाट उम्मेदवार भएका छन् ।
प्रतिक्रिया
