राष्ट्रिय सभा निर्वाचन : प्रदेश ६ मा १२ जनाको मनोनयन
सुर्खेत — माघ २४ गते हुने राष्ट्रिय सभा सदस्य निर्वाचनमा प्रदेश–६ बाट १२ जनाको उम्मेदवारी परेको छ ।
वामगठबन्धनको तर्फबाट एमालेले ५ तथा माओवादी केन्द्रले ३ जना र कांग्रेसले ४ जना उम्मेदवारहरुको मनोनयन दर्ता गरेका छन् ।
जिल्ला निर्वाचन कार्यालयमा अवस्थित मुख्य निर्वाचन अधिकृतको कार्यालयमा बुधबार दिउँसो १ बजेबाट मनोनयन दर्ता सुरु भएको थियो ।
उम्मेदवारकाे सूची :
एमाले
- भैरवसुन्दर श्रेष्ठ (खुला)
- कविता बोगटी
- नन्दा शर्मा (महिला)
- नरपति लोहार (दलित)
- ठकेन्द्र पुरी
माओवादी केन्द्र
- कालीबहादुर मल्ल (खुल्ला)
- जीवन बुढा (अपांग)
- युटुल तामाङ (महिला)
कांग्रेस
- विष्णुबहादुर शाही (खुला)
- गोपालप्रसाद शर्मा (अपांग)
- नेत्रलाल सार्की (दलित)
- सूर्यदेवी मल्ल (महिला)
यस प्रदेशमा स्थानीय तहका १ सय ५८ र प्रदेशसभाका ४० जना गरी १ सय ९८ मतदाता छन् ।
मुख्य निर्वाचन अधिकृत मेदिनीप्रसाद पौड्यालका अनुसार प्रदेशबाट निर्वाचितमध्ये खुला ३, महिला ३, अल्पसंख्यक/अपांग १ र दलित १ गरी ८ जना चुनिनेछन् ।
प्रतिक्रिया