डोलेश्वरमा पनि साधुसन्त

डोलेश्वर मन्दिरमा आएका साधुसन्तलाई खानपान, बसोबास तथा अन्य व्यवस्थापन मन्दिर संरक्षण तथा व्यवस्थापन समितिले गर्नेछ । प्रचारप्रचार उपसमिति संयोजक मोहन बल्लका अनुसार डोलेश्वर महादेव मन्दिर आएका साधुसन्तको तह क, ख र ग अनुसार क्रमश: एक हजार १ सय ११, ७ सय ७७ र ५ सय ५५ तथा एक थान कम्बल र धोती प्रदान गरिनेछ ।

महाशिवरात्रिको दिन मंगलबार १ हजार १ सयको रसिद काटी विशेष पञ्चस्नान गर्न पाउने व्यवस्थासमेत गरिएको समितिले जनाएको छ । महाशिवरात्रि पर्व सम्पन्न गर्न करिब १० लाख खर्च हुने समितिले जनाएको छ । सूर्यविनायक–८ स्थित डोलेश्वर महादेवलाई भारत उत्तराञ्चलका गुरु भीमाशंकरले २०६६ भदौ ५ मा भारतमा भएको केदारनाथ मन्दिरको शिर भएको पुष्टि गरेका हुन् ।