प्रदेश १ उपसभामुखमा सरस्वती पोखरेल निर्विरोध

लीलावल्लभ घिमिरे

विराटनगर — प्रदेश १ को उपसभामुखमा सरस्वती पोखरेल निर्विरोध निर्वाचित भएकी छन् । मुख्य मन्त्री र सभामुख एमालेको भागमा परेको यो प्रदेशमा उपसभामुख माओवादी केन्द्रको भागमा परेको थियो । 

उपसभामुखको मनोनयन दर्ताका लागि प्रदेश सचिवालयले बुधबार बिहान १० बजेदेखि ३ बजेसम्मका लागि समय तोकेको थियो । उक्त अवधिमा पोखरेलको मात्रै उम्मेदवारी परेको छ ।

Yamaha

यो प्रदेशमा सभामुखमा सुनसरीका प्रदीपकुमार भण्डारी निर्वाचित भएका थिए । सभामुखमा पनि भण्डारीको मात्रै उम्मेदवारी परेको थियो । निविरोध भएपछि पोखरेलले संवाददाताहरुसँग संघीयताको मर्मअनुसार कानून निर्माण गरी कार्यान्वयन गर्ने बताइन् ।

सुनसरी घर भएकी पोखरेल २०३२ सालमा प्युठानमा जन्मिएकी हुन् । उनले २०४६ सालदेखि राजनीतिमा लागेकी उनी समाजशास्त्रमा स्नातकोत्तर छिन् । २०५४ सालमा एमाले विभाजनपछि मालेमा रहेर काम गरेकी थिइन् । ०५८ सालदेखि माओवादी जनयुद्धमा लागेकी हुन् ।

पोखरेलले माओवादीको संखुवासभाको सेक्रेटरी भइ काम गरी सकेकी छिन् । हाल उनी माओवादी केन्द्रको पोलिटब्युरो सदस्य तथा सुनसरी जिल्लाको संयोजक थिइन । पोखरेल समानुपातिक कोटाबाट प्रदेशसभा सदस्य भएकी हुन् ।

प्रकाशित : फाल्गुन २, २०७४ १६:५८
ADVERTISEMENT
ADVERTISEMENT
प्रतिक्रिया
पठाउनुहोस्

प्रदेश १ को मुख्यमन्त्रीमा शेरधन राई नियुक्त 

लीलावल्लभ घिमिरे

विराटनगर — शेरधन राई प्रदेश १ काे मुख्यमन्त्रीमा नियुक्त भएका छन् । प्रदेश प्रमुख गोविन्दवहादुर तुम्बाहाङले राईलाई बुधबार मुख्यमन्त्रीको नियुक्तिको पत्र दिए ।

योसँगै प्रदेश १ मा मन्त्रिपरिषद गठनकाे लागि बाटो खुलेको छ।

संविधानको धारा १६८ को उपधारा (१) बमोजिम संसदमा बहुमत प्राप्त दलको नेता राईलाई प्रदेश प्रमुख गोविन्दवहादुर तुम्बाहाङले नियुक्त गरेका हुन्। एमाले संसदीय दलमा भीम आर्चायलाई २ मतान्तरले पराजित गर्दै राई दलको नेता चुनिएका थिए। राईलाई माओवादी केन्द्रको समेत समर्थन छ।

प्रदेश कार्यालयले बिहीबार ३ बजे वीरेन्द्र सभागृहमा मुख्यमन्त्रीको सपथ ग्रहण कार्यक्रम राखेको छ। प्रदेश प्रमुख गोविन्दवहादुर तुम्बाहाङले राईलाई सपथ खुवाउने छन्। बिहीबार नै पहिलो चरणमा सानो आकारको मन्त्रिपरिषद् गठन गर्ने तयारी छ।

मुख्यमन्त्री नियुक्त भएपछि राईले भ्रष्टाचारलाई शून्यमा झार्ने, सुशासन कायम गर्ने बताएका छन्। केन्द्रमा र प्रदेशहरुमा सातवटा सरकार बनाइरहँदा निकै धेरै आर्थिक भार व्यहोर्नुपर्ने भएकाले अवस्था र स्थितिलाई विचार गर्दै छरितो, चुस्त खालको र सकेसम्म कम आकारको मन्त्रिपरिषद् बनाउने उनले बताए।

प्रदेशको समृद्धिको मूख्य आधार कृषि, पर्यटन, जलस्रोत र उद्योग भएकाले तिनको उच्चतम उपयोग गरी ठोस गुरुयोजना बनाएर नमुना प्रदेश बनाउने राईको दाबी छ।

प्रकाशित : फाल्गुन २, २०७४ १६:३२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT