नगरपालिका भवन सार्ने विषयमा झडप

पहिलादेखि सञ्चालन हुँदै आएको नगरपालिकालाई अन्यत्र सार्न पाइदैन भन्दै माग राखी एक सातादेखि स्थानीय आन्दोलित थिए ।

उनीहरुले स्थानीय रामनाथ सहनीको संयोजकत्वमा संघर्ष समिति गठन गरेर उनीहरु चरणबद्ध आन्दोलन सुरु गरेका थिए । उनीहरुले नगरपालिकाको मुल गेटमा तालाबन्दी गरी पाँच दिनदेखि निरन्तर धर्ना दिंदै आएका छन् ।

नगरपरिषदको अन्तिम चरणमा रहेको परिषदको अन्तिम बैठक गाउँकै प्राथमिक स्वास्थ्य केन्द्रमा बसी नगरपालिकाको कार्यालय सार्ने निर्ण गरिरहेको सूचना पाएपछि आन्दोलनकारी जुलुससहित बैठक स्थल सम्मआई पुगेका थिए ।

बैठक चलिरहेको स्थानभित्र आन्दोलनकारी छिर्ने प्रयास गरेपछि प्रहरीले बल प्रयोग गरेको थियो । प्रहरी र आन्दोलनकारी झडप हुँदा तीन प्रहरी र महिला महिने शिशू गम्भीर घाइते भएका छन् । झडपको क्रममा प्रहरीले २१ राउण्ड टियर ग्यास प्रहार गरेको थियो ।