एमाले अध्यक्ष ओली प्रधानमन्त्री नियुक्त

दुर्गा खनाल

काठमाडौँ — एमाले अध्यक्ष केपी शर्मा ओलीलाई राष्ट्रपति विद्यादेवी भण्डारीले संविधानको धारा ७६ को उपधारा २ बमोजिम प्रधानमन्त्री नियुक्त गरेकी छिन् ।

चेतन अधिकारीको फेसबुकबाट साभार तस्बिर

निर्वाचन आयोगले बुधबार साँझ राष्ट्रपति समक्ष निर्वाचनको परिणाम बुझाए पछि आज एमाले र माओवादी केन्द्रका शीर्ष नेताका साथ राष्ट्रपति कार्यालय पुगेका ओलीले भावी प्रधानमन्त्रीमा दाबी पेस गरेका थिए।

Yamaha

राष्ट्रपतिका स्वकीय सचिव भेषराज अधिकारीका अनुसार नवनियुक्त प्रधानमन्त्री ओलीको शपथ ग्रहण बिहीबार दिउँसो ४ बजे हुने भएको छ।

उनले३८ ‌औं प्रधानमन्त्रीका रुपमा शपथ लिने छन्।

प्रकाशित : फाल्गुन ३, २०७४ १२:१९
ADVERTISEMENT
प्रतिक्रिया
पठाउनुहोस्
ADVERTISEMENT

बालुवा चोरीमा संलग्नलाई ३ लाख जरिवाना

हरिहरसिंह राठौर

धादिङ — गजुरीस्थित आदर्श माध्यमिक विद्यालयको जग्गाबाट बालुवाचोरीको आरोपमा नियन्त्रणमा लिएका ४ जनाबाट ३ लाख रुपैयाँ असुल गरी छाडिएको छ । 

बुधबार गजुरी सोतीखोलाको ३२ रोपनी मध्ये ४ रोपनी जग्गाको बालुवा चोरीमा प्रयोग गरिएका उपकरण, टिपर सहित बेनीघाटस्थित माविका शिक्षक जयराम ढुंगानालाई समातेर प्रहरीलाई बुझाएका थिए ।
स्थानीयको उजुरीका आधारमा मुनाल एकेडेमीका सञ्चालक रमेशदास श्रेष्ठ, स्थानीय एमाले नेता माधव भण्डारी र चोरीको बालुवा किन्ने फिरफिरेका सञ्चालक एवं माओवादी केन्द्रका नेता कर्णवहादुर लामालाई समेतलाई पक्राउ गरेको थियो ।

विद्यालय व्यवस्थापन पक्ष र स्थानीयको सहमतिमा रकम तिराइएको हो । ‘स्काभेटर, टिपर, चालक र आरोपितहरुलाई एक रात थुनेर वडाअध्यक्ष राजकुमार पण्डितको रोहबरमा छाडेका छौं । आरोपितबाट ७५ हजारका दरले रकम तिराइएको छ,’ इलाका प्रहरी कार्यालय गजुरीका प्रहरी निरीक्षक सन्जय तिमिल्सिनाले भने ।
राजमार्ग छेउका अवैध वालुवाखानी गाउँपालिका पदाधिकारी, आफन्त र गाउँपालिकाका कर्मचारीकै संलग्नता सञ्चालन भइरहेका छन् । गजुरी बजारमा जडान गरिएका सिसी क्यामराबाट अवैध निकासी भएको निगरानी गरेपनि स्थानीय प्रशासनले बेवास्ता गरेको त्रिशुली बचाउ अभियानमा संलग्नहरुको आरोप छ ।

गाउँपालिका प्रमुख र कार्यालय सहयोगी पनि बालुवा व्यवसायी
गल्छी गाउँपालिकाका प्रमुख कृष्णहरि श्रेष्ठ बालुवा खानी सञ्चालक मात्रै हैनन् । श्रेष्ठका सयौं टिपर राजमार्गमा गुड्छन् । गाउँपालिकाका कार्यालय सहयोगी कृष्णप्रसाद अधिकारी समेत बालुवा बिक्रीमा संलग्न छन् ।
कार्यालय सहयोगी अधिकारीलाई २०६१ सालमा बालुवाखानीको रकम दाखिला नगरी अपचलन गरेको आरोपको मुद्दा अझै विचाराधीन छ । उनी जग्गा धरौटी राखेर छुटेका थिए ।
उनले गल्छी चोकमा १ करोड मूल्य पर्ने घर र काठमाडौंमा घडेरी खरिद गरेका छन् । तस्करसँग सेटिंग मिलाउने अधिकारीलाई गाउँपालिकाले मोटरसाइकलको समेत व्यवस्था गरिदिएको छ । अधिकारीका स्काभेटरहरु पनि बालुवा खानीमै भाडामा लगाएका छन् ।

प्रकाशित : फाल्गुन ३, २०७४ १२:१२
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT