३०.१२°C काठमाडौं
एमाले अध्यक्ष ओली प्रधानमन्त्री नियुक्त
काठमाडौँ — एमाले अध्यक्ष केपी शर्मा ओलीलाई राष्ट्रपति विद्यादेवी भण्डारीले संविधानको धारा ७६ को उपधारा २ बमोजिम प्रधानमन्त्री नियुक्त गरेकी छिन् ।
निर्वाचन आयोगले बुधबार साँझ राष्ट्रपति समक्ष निर्वाचनको परिणाम बुझाए पछि आज एमाले र माओवादी केन्द्रका शीर्ष नेताका साथ राष्ट्रपति कार्यालय पुगेका ओलीले भावी प्रधानमन्त्रीमा दाबी पेस गरेका थिए ।
राष्ट्रपतिका स्वकीय सचिव भेषराज अधिकारीका अनुसार नवनियुक्त प्रधानमन्त्री ओलीको शपथ ग्रहण बिहीबार दिउँसो ४ बजे हुने भएको छ ।
उनले ३८ औं प्रधानमन्त्रीका रुपमा शपथ लिने छन् ।
प्रकाशित : फाल्गुन ३, २०७४ १२:१९प्रतिक्रिया
