कांग्रेस संसदीय दलको नेता चयन गर्न निर्वाचन समिति गठन, विधान अनुमोदन

समितिमा नवीन्द्रराज जोशी र भीष्मराज आङदेम्बे सदस्य रहेका छन् ।

दलको नेता चयन निर्वाचन सम्भवत: पर्सि १५ गते हुने छ । आजको बैठकले संसदीय दलको निर्वाचनको मिति तय गर्ने भनिए पनि तोक्न सकेन ।

यही फागनु २१ गते संघीय संसद्को बैठक बस्न लागेकाले त्यसअघि संसदीय दलको नेता चयन गरिसक्न कांग्रेस लागेको हो । दलको नेताका लागि पार्टी सभापति शेरबहादुर देउवा र नेता प्रकाशमान सिंह प्रतिस्पर्धामा उत्रने तयारीमा छन् । सिंहले वरिष्ठ नेता रामचन्द्र पौडेल पक्षबाट दलको नेतामा उम्मेदवारी दिन लागेका हुन् ।

बैठकले पार्टीको संसदीय दलको विधान पनि अनुमोदन गरेको छ । कांग्रेसबाट प्रतिनिधिसभा र राष्ट्रियसभामा प्रतिनिधित्व गर्ने सांसदहरुको शनिबार बसेको संयुक्त बैठकले कांग्रेस संसदीय दलको विधान मस्यौदा सर्वसम्मतले पारित गरी अनुमोदनका लागि केन्द्रीय समितिमा पठाएको थियो ।

स्थानीय तह, प्रदेश र प्रतिनिधिसभाको निर्वाचन समीक्षाका लागि छिट्टै अर्को बैठक बोलाउने कांग्रेसले जनाएको छ ।