आजको संघीय संसद बैठकमा दलका नेताहरुले सम्बोधन गर्ने

यस्तै आजको बैठकको मुख्य कार्यसूचीमा सभामुख चयनको मिति तय गर्ने, प्रतिनिधिसभा नियमावली मस्यौदा समिति गठन गर्ने प्रस्ताव पेश गर्ने, सभामुखको चयनको मिति तोक्ने कार्यक्रम कार्यसूचीमा रहेको संसद सचिवालयले जनाएको छ ।

अन्य दलका नेताले बैठकलाई सम्बोधन गर्ने कार्यक्रम रहे पनि प्रधानमन्त्री तथा एमाले संसदीय दलका नेता केपी ओलीले भने आजको बैठकलाई सम्बोधन नगर्ने जानकारी दिइएको छ । उनको सट्टा एमाले वरिष्ठ नेता माधव नेपालले बैठकलाई सम्बोधन गर्ने छन् । संसदमा एमाले, नेपाली कांग्रेस, माओवादी केन्द्र, राष्ट्रिय जनता पार्टी र संघीय समाजवादी फोरम गरी ५ दलको मात्रै प्रतिनिधित्व छ ।