घाँटी रेटेर युवकको हत्या

धारिलो हतियारले घाँटी रेटेर माझीको हत्या भएको प्रहरीको प्रारम्भिक अनुसन्धानबाट खुलेको छ । मृतक माझी सिम्रौनगढस्थित बुलेट इँटा उद्योगमा काम गर्थे । उनको शव फेला पर्नुभन्दा एक दिन अगाडि सोही इँटा उद्योगमा कार्यरत उनकै गाउँका अन्य मजदुर साथीसँग झगडा भएको जिल्ला प्रहरी कार्यालयका प्रमुख प्रहरी उपरीक्षक राजकुमार बैदवारले बताए । ‘घटनापछि उनीसँगै काम गर्ने भारतीय मजदुर फरार छन्,’ उनले भने ।

फरार मजदुरको खोजी भइरहेको र घटनाबारे थप अनुसन्धान चलिरहेको उनले बताए । ‘फरार मजदुर पक्राउ नपरुन्जेलसम्म केही भन्न मिल्दैन । घटनाबारे सबै कोणबाट अनुसन्धान सुरु गरिएको छ,’ एसपी बैदवारले भने ।