गुट मिलाउन मन्त्रालय फुटाइयो : गगन थापा

चितवन रत्ननगरमा आइतबार सुरू भएको नेपाल निजामती कर्मचारी युनियन (संघ) को सातौं अधिवेशन उद्घाटन कार्यक्रममा थापाले वर्तमान सरकारले जनताको हितमा काम गर्न नसक्ने दाबी गरे । ‘दुई तिहाई जनमत भएको सरकारले आफ्नो पार्टी भित्रको गुट मिलाउन मन्त्रालय फुटाउँछ । यो सरकारले जनताको पक्षमा सोचेकै छैन भन्ने प्रष्ट भइसक्यो,’ उनले भने ।

०६२/६३ को आन्दोलनपछि सबैभन्दा धेरै वामपन्थीहरु सत्तामा बसेका भन्दै थापाले देशको दुरावस्थाको जिम्मा उनीहरूले बढी लिनुपर्ने उनकाे भनाई थियाे ।

एमाले अध्यक्ष तथा प्रधानमन्त्री केपी शर्मा ओलीलाई संघीयता र गणतन्त्र तथा माओवादी अध्यक्ष पुष्पकमल दाहाललाई संसदीय व्यवस्था मन नपरेको भन्दै उनले संघीयता, गणतन्त्र र संसदीय व्यवस्था जोगाउन कांग्रेस जिम्मेवार हुनुपर्ने थापाले बताए ।