नक्कली कागजात बनाउने ३ जनाविरुद्ध भ्रष्टाचार मुद्दा

नक्कली कागजातका आधारमा नेपालीकरणका नाममा ठूलो संख्यामा लाइसेन्स जारी गरेको उजुरीमाथि छानबिनका क्रममा अख्तियारले उपसचिव सुन्दर भट्टराई, शाखा अधिकृत यामलाल ढकाल र नासु यादव पौडेलविरुद्ध मुद्दा दायर गरेको हो । २ हजार ३ सय १५ थान लाइसेन्स नेपालीकरणका क्रममा हालसम्म १ हजार ६ सय ९८ थानमाथि अनुसन्धान भएकोमा ८ सय ५५ वटा नक्कली भेटिएको थियो । उनीहरूमाथि ५ लाख ४ हजार रुपैयाँ बिगो मागदाबी गरिएको छ । कागजात मिलाइदिएर ८० हजार घूस लिएको भन्दै अख्तियारले लेखापढी व्यवसायी राजु सेढाईंविरुद्ध समेत मुद्दा दायर गरेको छ ।