गोपाल पराजुली विरुद्ध दर्ता गर्न खोजिएको मुद्दामा सर्वोच्चद्वारा कैफियत प्रतिवेदन झिकाउन आदेश
काठमाडौँ — निवर्तमान प्रधानन्यायाधीश गोपाल पराजुली विरुद्ध दर्ता गर्न खोजिएको मुद्दामा सर्वोच्च अदालतले कैफियत प्रतिवेदन झिकाउन आदेश दिएको छ ।
न्यायाधीश हरिकृष्ण कार्कीको एकल इजलासले निवेदक मनोज अधिकारीको निवेदन दर्ता नगर्नुको कारण उल्लेख भएको प्रतिवेदन पेश गर्न आदेश दिएको हो । अधिकारीको निवेदनमा प्रमाणको अभाव भएको भन्दै सर्वोच्च अदालत प्रशासनले निवेदन दर्ता गर्न अस्वीकार गरेको थियो ।
वरिष्ठ अधिवक्ता सुरेन्द्र भण्डारीलाई फोनबाटै 'मार्छु' भनी धम्क्याउने प्रधानन्यायाधीशको व्यवहारले अदालतको अवहेलना भएको भन्दै अधिकारीले उनीविरुद्ध अदालतको अवहेलना मुद्दा दर्ताको प्रयास गरिरहेका छन् ।
प्रकाशित : चैत्र ८, २०७४ १५:२७प्रतिक्रिया
