महिला प्रतिनिधित्व छिट्टै ५० प्रतिशत पुर्‍याउँछौं : प्रधानमन्त्री

‘महिलाहरुले सुरुमा ३३ प्रतिशत आरक्षण माग्नुभएको थियो’ उनले भने, ‘स्थानीय तहदेखि संघीय संसद्सम्म हेर्ने हो भने अहिले महिलाको प्रतिनिधित्व ४१ प्रतिशत पुगेको छ । यसलाई हामी छिट्टै ५० प्रतिशत पुर्‍याउँदैछौं ।’

प्रधानमन्त्री ओलीले महिलाहरुलाई आरक्षण र संरक्षणमा भन्दा क्षमता र प्रतिस्पर्धामा विश्वास गर्न आग्रह पनि गरे । ‘आरक्षण केही समयलाई हो । पछिलाई काम लाग्दैन’ उनले भने । महिलाहरुको आर्थिक सवलीकरण नभएसम्म प्रतिस्पर्धी क्षमता बिस्तारमा केही कठिनाइ हुने भएकोले त्यसतर्फ पनि ध्यान दिनुपर्ने प्रधानमन्त्री ओलीको भनाइ थियो ।