एक मेमा पार्टी एकीकरण घोषणा हुन सक्छ : दाहाल

यसअघि वैशाख नौमा दुई पार्टीबीच एकीकरण हुने चर्चा थियो । तर त्यस दिन काठमाडौंमा संयुक्त रुपमा लेलिन जयन्ती र नेपाल कम्युनिष्ट पार्टी स्थापना दिवस मनाए पनि पार्टी एकीकरणको घोषणा भएन । ‘नौ गतेको कार्यक्रमपछि आज बिहान दुवै पार्टीका अध्यक्ष बस्यौं र १४ गतेसम्म एकीकरणको मितिलाई निश्कर्षमा पुर्‍याउने समझदारी गरेका छौं,’ पत्रकारहरुलाई दाहालले जानकारी गराए ।

‘मे फर्स्ट’ वा ‘मे फाइब’सम्म एकीकरण घोषणा होस भन्ने आफुहरुको प्रयास रहेको उनले बताए । ‘दुई चार दिन ढिलो होस तर राम्रो होस भन्ने तिर हाम्रो ध्यान छ । हतारमा एकता गर्ने तर पछि ए यो कुरा पहिल्यै सल्लाहा गर्नु पर्दैन थियो भन्ने नहोस भनेर छलफलमा जुटेका हौं,’ दाहालले भने । प्रधानमन्त्री र आफ्नो कार्याव्यस्तताले राम्रोसँग छलफल हुन नपाएको उनले बताए ।