विद्यार्थी बोकेको बस दुर्घटना हुँदा ४० घाइते
सिमरा — बाराको चुरियामाईमा बुधबार बिहान विद्यार्थी बोकेको बस दुर्घटना हुँदा ४० विद्यार्थी घाइते भएका छन् ।
झापाबाट स्कूले विद्यार्थी बोकेर आएको मे१ख २४२९ नम्बरको बसलाई ना५ख ३५८२ नम्बरको ट्रकले ठक्कर दिँदा बसमा रहेका विद्यार्थी र शिक्षक गरी ४० जना घाइते भएका मकवापनुर जिल्ला प्रहरी कार्यालयका निमित्त प्रहरी प्रमुख दिलीपराज झाले बताए ।
नेल्टा झापाको एक्सेस कार्यक्रमअन्तर्गत पोखरामा हुने एक्सेस कार्यक्रममा जान लागेका स्कूले विद्यार्थी बिहान २ बजे दुर्घटनामा परेका हुन् । चालिस घाइतेमध्ये एकजनाको काठमाडौं, ६ जनाको भरतपुर र अन्य ३३ जनाको हेंटौडा अस्पतालमा उपचार भइरहेको प्रहरीले जनाएको छ ।
प्रकाशित : वैशाख १९, २०७५ १३:०४प्रतिक्रिया
