प्याब्सन र एनप्याब्सनमा तालाबन्दी

रासस

काठमाडौँ — संयुक्त विद्यार्थी संगठनले बुधबार निजी विद्यालयको चर्को शुल्क वृद्धि फिर्ता गरिनुपर्ने माग राख्दै देशभरका निजी विद्यालयको संगठनको कार्यालयमा तालाबन्दी गरेका छन् । 

अनेरास्ववियु, नेपाल विद्यार्थी संघ, अनेरास्ववियु (क्रान्तिकारी) र अखिल (छैटौँ)ले बुधबार निजी तथा आवासीय विद्यालय संगठन (प्याब्सन) र नेपाल निजी तथा आवासीय विद्यालय संगठन (एनप्याब्सन) को कार्यालयमा तालाबन्दी गरेको अखिल (क्रान्तिकारी)का उपाध्यक्ष सुरेन्द्र बस्नेतले जानकारी दिए ।

Yamaha


विद्यार्थी संगठनले डिल्लीबजारस्थित प्याब्सनको केन्द्रीय कार्यालय र कुपण्डोलस्थित एनप्याब्सनको केन्द्रीय कार्यालयमा समेत तालाबन्दी गरेका छन् ।

सरकारद्वारा जारी ‘सस्थागत विद्यालय शुल्क मापदण्ड निर्देशिका २०७२’ विपरीत बढी शुल्क लिएको भन्दै विद्यार्थी संगठनहरु चरणबद्धरुपमा आन्दोलनमा उत्रिएका हुन् ।

Esewa Pasal

प्रकाशित : वैशाख १९, २०७५ १८:१७
ADVERTISEMENT
प्रतिक्रिया
पठाउनुहोस्

डब्लूएचअोको नेपाललाई सहयोग गर्ने पञ्चवर्षीय रणनीति  

अतुल मिश्र

काठमाडौँ — विश्व स्वास्थ्य संगठन(डव्लूएचओ)ले संघीय संरचनामा सार्वभौमिक स्वास्थ्यको पहुँच लगायतका विभिन्न क्षेत्रमा नेपाललाई सहयोग गर्ने पञ्चवर्षीय रणनीति सार्वजनिक गरेको छ ।

डव्लूएचओले सन् २०१८ देखि सन् २०२२ सम्म स्वास्थ्यको विभिन्न क्षेत्रमा सहयोग गर्ने रणनीति बुधबार सार्वजनिक गरेको हो ।

नेपाललाइ सघाउने ४ वटा क्षेत्रको रणनीतिक प्राथमिकता समेत डव्लूएचओले सार्वजनिक गरेको हो । यस अनुसार संघीय संरचनामा सार्वभौमिक स्वास्थ्यको पहुँच स्थापित गर्ने, प्राथमिकतामा रहेका जनस्वास्थ्य कार्यक्रमको प्रभावकारी वितरण, स्वास्थ्य सुरक्षा–आपतकालिन स्वास्थ्य व्यवस्थापन को अवस्थामा वृद्धि, राम्रो स्वास्थ्य अवस्थाको लागि बहुआयामिक साझेदारी रहेका छन् ।

‘हाम्रो रणनीति संघीयताको प्रक्रिया सुरु भएपछि आएकोले थप महत्वपुर्ण छ’, डव्लूएचओ नेपाल प्रतिनिधि डा.जोश भेन्डलरले प्राथमिकता तोकिएका ४ वटा क्षेत्रमा अगामी दिनमा सरकारसँग हातेमालो गरेर अगाडि बढने जनाए ।

वर्तमान रणनीतिले संघीय राज्य प्रणालीमा स्वासथ्यको व्यापक पहुँच स्थापित हुने औँल्याउदै स्वास्थ्य राज्यमन्त्री पद्मा अर्यालले नेपालीको आधारभूत स्वास्थ्य सेवाको अधिकारलाइ समेत सुनिश्चितता दिने बताइन् ।

हाल मुलुकमा क्षयरोग नियन्त्रण लगायतका केहि सरुवा रोगमा थम काम गर्नु आवश्यक रहेको जनाउदै अर्यालले दक्षिण पूर्व एसियाको ११ सदस्य राष्ट्रमा सबैभन्दा उच्च मातृमृत्यु दर नेपालको रहेको अवस्थाको अन्त हुनुपर्ने जनाइन् ।

उनले सरकारी स्वास्थ्य निकाय र डव्लूएचओ गरी सबै निकायलाइ रणनीति कार्यान्वयनको अनुरोध समेत गरिन् ।

स्पष्ट र राम्ररी तयार पारिएको रणनीति ले अगामी ५ वर्ष सम्ममा नेपालको स्वास्थ्य सम्बन्धि पहुँचलाइ बढाउने डव्लूएचओका सर्ने रोग सम्बन्धि सहायक महानिर्देशक डा.रेन मेग्युलीले बताए ।

प्रकाशित : वैशाख १९, २०७५ १८:१३
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT